2017年4月21日星期五

中西合璧

琴日波波見咗整體療法林醫生, 醫生評估佢各方面都有進步, 尤其情緒方面明顯較好, 無之緊張扯氣到呼吸都快無😜; 雖然波波遇上喧嘩嘅細路仍然好勞嘈, 但整體有改善已經好好, 睇嚟老師用Q touch真係幫到!

林醫生話波波係有進步, 但仍有空間做得更好, 脷仔顏色可以更紅潤, 毛毛可以更滑更柔順, 心同腎仲要繼續保養住, 會調較吓藥物令佢更進步!
雖然無請醫生幫波波做reiki, 但我感覺到醫生除咗西醫角度用聽筒, 中醫角度睇脷摸脈搏, 佢仲有用reiki去scan波波身體, 去感受每個器官!
醫生話波波pat pat位應該仲未妥, 觸感佢有酸痛感覺, 今次用藥會加D散瘀湯, 當然中醫角度嗰種瘀唔係見到瘀血囉, 波波呢種慢性病, 我自己覺得用整體療法真係較妥當!

都真係幾熱㗎!

我係知佢pat pat位置嘅情況, 之前老師有講, 阿女做reiki時都有感覺扯力, 但要慢慢調理慢慢幫, 唯有叫阿女做reiki時著重多D呢個地方; 我自己唯有靠醫療器具幫忙, 天氣咁熱就算開住冷氣, 做熱敷我自己試過都出汗, 就做多D無針針灸加上色光啦！

波波用強力mode照射 5分鐘就會換mode!

好感恩上天比我時間去幫波波豬, 亦感恩夾到兩位中西醫, 中西合璧去幫忙, 仲有緣通過Ka認識到陳老師, 可以用靈氣同quantum touch幫助; 我自己都出盡八寶, 用埋紅外線燈, 場效應治療儀, E-Acu無針針灸筆, 幫得嘅就去喇😊!

身體到咗一定年紀難免出事, 俗語話年紀大機器壞😖, 但有機會去做治療而有幫助, 令佢日子過得舒服D, 已經係最大恩賜🙏!