 |
| 相片連結 |
呢兩日都有同兩隻豬出去, 盡量keep住weekday出遊, 波波始終對外出見人較敏感, 琴日出去唔係咁開心; 原來琴日已經係公眾假期, 唔怪得街上咁多人, 波波一見多人就神情拉緊, 再加上週邊多咗噪音, 琴日大家都行得唔稱心!
已經行遠D避開人群, 但一旦個仔開咗聲就無得噤, 唔理週圍有無人, 都擘大聲喉; 見佢吠過唔停我個心都不忍, 都唔明乜嘢令佢咁唔安心?!
花藥無幫助, 又用QT正咗骨, 以為調理過無咁神經質啦; 每遇到有一大群人, 佢就係緊張眼凸難順心😖; 都係自己疏忽無留心, 假期外邊一定多人, 無返工嘅人對假期真係無咁敏感, 以後要睇過日曆先出行😓 !
今日紅日+週末, 完全無出外嘅念頭喇, 留喺屋企浸番個milky spa仲開心, 兩隻豬今日都好enjoyed, 表情無繃緊!
天氣回暖, 達達毛毛跟住好轉, 每年呢個模式都無變; 隨住毛毛改變佢心情都跟住好轉, 可以見到吓佢嘅笑臉!
暫時見到波波情況幾好, 希望一直keep到, 越來越進步👍!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
