 |
| 相片連結 |
琴晚阿女又幫兩隻豬仔做reiki, 都好多謝佢自己咁忙都關顧兩隻豬, 隔日傳送靈氣; 即使佢係學神階段, 做密D點都有D得益😊; 阿女話原來理論同實踐係兩回事, 勤加練習真係會感覺強烈D, 甚致有時會感到血液流動喺手指😬😱!
唔係卦咁神奇? 但說話出自個女, 我唔應該懷疑, 佢呃我有乜意思呢!
之前睇過一本E-book, 係講及能量治療, 就有提及感應呢類; 就真係叫豎起一隻手指, 專注咁feel吓皮膚係點包住手指, 血液點流動, 甚至feel吓指甲係點黏附喺手指上面, 再去感覺吓指甲下面嘅手指🙄😅!
呢個係其中一種專注力訓練, 於我...當然零意義😁😖!
所以叫我學所有呢類.....可以慳D😉, 我咁心急點慢慢去集中專注!
不過都好開心阿女可以有呢種專注力, 即係我兩隻豬有得益啦👏😄!
 |
| 未換車達達被逼到最後面乜都睇唔到😞 |
呢幾日上網猛搵資料, 要幫兩隻豬仔換車喇!
 |
| 換咗雙向開蓬,皆大歡喜可以兩頭望喇! |
之前已經想過要換車, 但搵唔到合適嘅款, 雙向開蓬有局限; 依家嘛, 唔換唔得喇, D布薄咗驚扯爛!
為咗豆b去換呢部車, 而主角已經走咗喇😭, 要我再丟棄呢部車仔, 感情上要我放下好難, 畢竟我會想像車上有豆b殘留嘅氣味嘛; 但老公話最珍貴嘅都留唔住, 呢D算喇, 所有同豆b有相關嘅, 放喺心啦!
莫失莫忘, 當然唔會見唔到部車, 我就會忘記同豆嘅過去, 但要丟咗部車, 仍係心碎!
都係想搵返雙向開篷款, 兩隻豬可以前後交替走動, 但無乜選擇; 用開嘅牌子同款嘅香港無貨, 台灣亦已sold out, 已經買唔到喇; 好開心見到呢個video, 呢部車終於滿足到我嘅要求, 今日假期未問到, 希望可以買到啦!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
