 |
| 相片連結 |
盡量帶兩隻豬每日都出吓去,視乎情況決定放唔放佢哋落地, 潮濕嘅天氣會麻煩D, 都怕太近地面皮膚有事; 以前波波都試過肚仔出紅點, 醫生話可能對外間環境敏感引致, 但放波波落地跑佢真係開心D, 唯有揀清潔嘅地方, 之後再徹底清理; 放過落地清潔完我依家會噴healing solution作保護, 未雨綢繆好D😊!
呢排天氣好差, 濕度高又落雨, 波波氣管都差D, 會有一、兩聲咳; 林醫生今次加咗蘇子降氣湯幫佢, 波波夾中藥似乎幾好, 不過食中藥真係要靠醫師, 份量唔準就好大件事, 食得少顧然無幫助, 食多咗就死啦!
呢段時間好感恩兩隻豬仔算爭氣, 可以比我透吓氣, 我都好努力同佢哋保養住, 除咗阿女幫佢哋做reiki, 我都每日間住做艾炙, 色光無針針灸, 場效應治療同照紅外線燈, 希望會有得益!
波波應該身體係有進步,毛毛厚咗, 林醫生問佢係咪肥咗, 個身圓碌碌; 其實我有一直幫佢keep住標準體重, 上落唔大嘅😌!
達達毛量都有進步, 不過毛質就唔太好, 算喇我唔貪心, 可以去到呢步, 其實已經好好.
湊過呢幾隻豬, 到咗今時今日, 我已經別無所求, 但求往後幾年保得住健康良好, 唔好咁快退步!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
