 |
| 相片連結 |
平靜安寧嘅日子無咩可以分享, 就分享吓兩隻豬仔嘅生活相!
自從買咗部細車, 日日都同佢哋出去, 細車方便在自己可以單手推門單手推車, 出入唔使帶住工人姐姐; 即使唔放兩隻豬落地, 都唔使喺屋企困住, 最少可以遊吓花園, 呼吸吓唔同嘅空氣😊 !
每次同佢哋出過去, 兩隻豬都好似消耗好多精力, 返到屋企都酣睡如泥累極, 可以熟睡當然對身體有益!
可能外出太多吸引力, 凈係個頭仔東張西望都忙極, 仲要跑前跑後set個好位都要思考力, 換句話講, 咁對防止佢哋嘅腦仔退化都有D得益😁!
盡量多D帶佢哋出去睇街街, 是否落地要視乎環境!
 |
| 地下咁濕唔好行喇! |
琴晚阿女再同兩隻豬做reiki, 又似乎真係有少少功力, 因為阿女都有幫我做, 個感覺依家我可以肯定; 之前Ka都同我做咗一次, 我係有明顯感應! 以前我真係後知後覺無感覺, 或者太多牽絆令我無專注能力, 但近來個人較平靜, 個感覺較精靈😉!
只要兩隻豬身體無恙, 我就可以平靜!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
