 |
| 相片連結 |
平平穩穩每日如常, 好感恩無咩大件事要密密寫blog😉!
呢段期間天氣都好反常, 一陣好好太陽曬到要命, 一陣又橫風橫雨氣溫驟降, 一日嘅溫差好大上落; 我最怕呢種天氣對兩隻豬仔心肺氣管有影響, 仲有誘發筋骨嘅毛病!
可以做嘅都係室溫管理, 仲有照燈艾炙, 無痛針灸等等去保養!
阿女上咗初級reiki堂, 都要每日做功課, 要密密練習上堂所學; 佢應該係有進步, 感應力有加強, 可能之前係摸索, 依家漸漸感應到嗰種感覺!
琴日再同兩隻豬仔做靈氣傳送, 波波一貫都係開頭坐唔定, 漸漸越做越好; 阿女話感覺到波波有猛吸能量, 不過佢話自己功力未到, 唔知輸送得好唔好, 希望就算有10%傳送到, 有都好過無😊!
達達素來做所有健康保養都合作, 呢個女好似明白係為佢身體健康, 無晒D刁蠻公主病, 放鬆晒仲瞓著😌!
希望阿女有天份可以通過考試, 合格領取到level 1嘅美國ARP証書, ®(The
靈氣、能量、傳心術呢D, 一直備受爭議, 有人話真有人話係騙子, 好難定義, 有興趣嘅就自己研究多D, 無興趣可以一笑置之啦!
曾聽過話Reiki醫好獸醫放棄既case, 當然亦有獸醫話要執延醫診治嘅手尾; 從來每件事都有正反兩面嘅講法, 公說公有理, 婆說婆有理😉!
我自己嘅毛孩斷証會搵獸醫, 化驗都要靠儀器攞有關數據, 至於診治方法會因應當時情況詳加考慮.
我嘅豬仔對西藥較敏感, 目前波波嘅情況我選用中藥調理, 有睇正式獸醫, 亦有徵詢順勢療師用療劑, 而輔助用reiki!
但願大家都為毛孩搵到正確嘅治療方法, 畢竟佢哋唔識表達, 把關要靠我哋!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
