 |
| 相片連結 |
兩隻豬暫時身體狀況算係正常, 當然波波身體仍要用藥物保養, 但可以under control已經唔容易, 唔使盲頭蒼蠅亂咁撞, 已經好妥當!
林醫生按壓波波腰下, 話佢有"冤"嘅感覺, 咁我盡量focus呢處幫忙, 上網睇吓要集中喺邊個穴位, 諗住用E-Acu去幫!
無意中睇到一篇講及艾炙嘅分享, 用艾條原來好處好多, 除咗可以舒筋活絡, 仲可以去濕排毒, 對脾胃濕滯都有幫助, 喺潮濕嘅天氣, 不妨做多D囉!
即刻同兩隻豬做艾炙, 兩隻豬好受落, 係做所有保養治療中最合作, 舒服到瞓著😴!
即使暫時無風無浪, 仍需要注意保養, 食補就做吓溫和嘅清燉鵪鶉四神湯, bone broth改咗隔個星期做, 比D時間食吓其他口味, 一吓谷咁多並唔適當; 試過幾款材料, 發覺兩隻豬最鍾意係加咗牛尾嘅骨湯, 咁做多兩次再轉囉!
做好放落雪櫃好似jelly糖, 切成粒狀每次加落餐當調味, 佢哋好快舔清光, 希望唔好咁快食厭就好囉!
 |
| bone broth雪藏變成jelly狀, 切成粒粒每餐加入好妥當 |
阿女繼續幫兩隻豬做reiki作保養, 佢話感覺達達比波波需要更多能量, 只係驗血驗尿detected唔到達豬邊度唔妥當, 可能又係中醫講嗰種氣虛血弱啦!
達達做過reiki係精神較好, 會行出地磚嘈之巴閉, 算係叻咗; 我自己就用幾種器具間住幫忙, 唔敢話一定保得住佢哋身體健康, 只係幫到嘅就盡幫, 但願日子過得安安樂樂!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
