 |
| 相片連結 |
其實波波已經比以前好咗好多, 出外唔一定會吠, 如果正常情況下見到陌生人, 都可以控制; 最怕係有人近距離向住佢伸手, 或者小朋友叫喊嘅高音, 咁佢就神經繃緊, 一開咗聲吠就閂唔到制😦!
依家帶佢哋出去都多咗顧慮, 一來牛蜱旺季又多蚊, 最可怕係最近網上有人講及, 有多隻狗狗吸入路邊嘅粉末失去肺功能, 已經喪生; 可能因鼠疫問題, 發現在元朗及屯門區有人灑粉末, 狗狗路經吸入都死得, 雖然我無行經嗰區, 但難保有人踩到帶咗出嚟, 兩隻豬又矮又細, 遇到真係死梗!
話我杞人憂天也好, 小心駛得萬年船, 我一向都係個緊張媽媽, 以後就算出去都係坐私家車出行, 望吓街街滿足吓算喇!
以下copy自facebook!
各位，近日有義工通知收到好幾宗元朗及屯門區嘅貓狗無故疾病死亡個案，(而毛孩本身是健健康康的)，所以覺得有需要分享或提醒一下：
寵物起初病徵似心臟病，診所驗血全部正常，數小時後血指數急跌，有些有抽筋或嘔吐情況出現，最後死於肺炎或肺積膿，而前後只不過20小時左右，連獸醫也找不到原因。
初步有消息指，近日因鼠疫問題，有人發現在元朗及屯門區近垃圾站，街市及食市後巷有不明(白色)粉末撒在地上及垃圾桶上，可能被動物吸入或踩到，而人行過也可能帶到返入屋。 不知是否這原因，元朗及屯門區已有接近10隻動物類似病徵而死亡，而消息指元朗及屯門區是重災區！
大家要千萬個小心！廣傳出去及提醒身邊養貓狗的朋友，切勿走近這些範圍！小心！
完全無諗要影節日主題相喇, 未有心情舞大龍鳳攪佈置啦, 不過琴日老公放工買咗cupcake, 話應吓節大家食吓, 咁就同兩隻豬影幾張相啦; 呢D係比人食嘅cake, 都係比少少兩隻豬試吓咋, 天然材料淺嘗無所謂, 比佢哋舔少少果茸, 然後我同老公食口水尾喇😉😅!
cupcake shop 嘅介紹:
除了賞心悅目外，少甜、無色素、無香精的杯子蛋糕是我們的堅持！
忌廉方面，自家製的蛋白奶油忌廉，內含大量已消毒的蛋白，入口即溶，口感輕盈。果茸口味的忌廉加上近50%的法國果茸，果味突出，色澤自然，紅、橙、黃、紫……，再加上綠茶、朱古力、芝麻等天然優質的食材，何須香精、人造色素？
忌廉方面，自家製的蛋白奶油忌廉，內含大量已消毒的蛋白，入口即溶，口感輕盈。果茸口味的忌廉加上近50%的法國果茸，果味突出，色澤自然，紅、橙、黃、紫……，再加上綠茶、朱古力、芝麻等天然優質的食材，何須香精、人造色素？
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
