 |
| 相片連結 |
慣性唔會選擇週末或假期帶兩隻豬出去, 波波見到小朋友都係會緊張到死, 近來似乎見其他狗狗仲好D, 正確演繹應該係如果其他狗狗無向佢直視, 直行直過, 咁就可以無事!
小朋友嘅活潑跑動, 高頻率嘅音調會刺激佢, 無謂令個仔咁不安, 更唔想波波嘅吠聲嚇親人哋, 避得嘅就盡量避, 皆大歡喜!
睇住兩隻豬追逐嬉戲, 佢哋有時狗咬狗骨, 有時又好老死, 無佢哋咁好氣!
下午時候新車送到, 拎出嚟裝好用毛巾仔細清理, 最後再用熱蒸氣; 然後放兩隻豬上去試試, 好彩無抗拒!
狗狗應該會感覺新不如舊, 因為無咗熟識嘅氣味, 而我見到新車亦無特別歡喜, 一切感覺已預期!
晚上新車落地, 第一站去見老友記; 呢段時間Ka好忙, 我無諗過咁快麻煩佢, 不過中午接到佢通知, 話今晚有時間可以幫兩隻豬正骨同做reiki!
Ka感覺波波頸邊肌肉已鬆弛, 無之前頸緊又扯住, 但願做多D保養, 可以保得住痛痛嘅頻繁度低D!
即使阿女都有隔日幫兩隻豬做reiki , 但佢都祇係初階功力, 有Ka做後盾補足我會放心D, 呢D風平浪靜嘅日子得來不易, 我要小心保住!
我自己祇可以幫兩隻豬做週邊保養, 場效應, 艾炙, 色光針灸及照紅外線,近來天色唔好我會做多D!
眼見波波係有進步, 從外觀睇毛量, 毛質同毛色都轉好, 而胃口持續穩定, 過兩日見林醫生, 睇睇有無特別忠告!
達達毛毛未去到最好, 但一路有進步, 其實經過近年同豆b抗病, 已經接受到外表是否美好; 靚靚當然最好, 唔靚都一樣咁做, 但求生活正常有質素, 健康keep得好, 每一日平穩過渡!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
