 |
| 相片連結 |
天氣轉冷, 當然唔會帶兩隻豬仔出外, 室溫控制於正常溫度, 唔想氣管筋骨再出意外; 當然唔會少做日常保養, 好感恩兩隻豬從無抗拒熱敷照燈針灸筆, 令我幫佢哋做調養時掌控較理想!
波波唔係好接受個bumper ring , 呢個仔向來唔鍾意任何束縛, 要佢著件衫都週身唔安樂, 但如果唔用個環去幫助, 我又怕識避開障礙會撞傷; 依家盡量比佢嘗試摸索, 係圍欄內佢做得唔錯, 由小範圍開始慢慢擴大地方啦, 如果我睇住佢活動時, 就會比佢鬆開頭環去熟習方向!
 |
| 戴住頭環唔郁, 唔戴就亂跑, 最怕佢咁樣😱 |
達達都係差不多情況, 鼻仔問題困擾咗好耐, 鼻敏感情況西獸醫又無嘢可幫, 一直無好轉即使用澳洲順勢複方; 每日都見佢打乞嚏鼻仔濕濕我好唔安樂!
 |
| 成日鼻仔濕濕 |
阿女嘅貓貓眼仔問題都攪咗好耐, 無紅無腫但多眼水會瞇眼, 睇咗獸醫又用咗澳洲順勢複方, 情況無改善過, 見到佢變咗大細眼好無奈; 之後求教美國順勢療師用咗建議嘅單方, 一click中咗, 佢話不如求教呢個療師, 比達達試吓無妨!
 |
| 一日已回復正常 |
單方要小心處理, 亦針對短期狀況, 好轉就要停服, 今次比達達試試希望幫到忙, 3日為期試睇吓乜情況!
因為個公主唔識講, 靠我敘述佢情況, 未必中point, 今次試撞, 唔啱就停用再用另外配方!
咁凍唔出外兩隻豬瞓覺多咗, 我就上網😉, FB見到好多貓狗不同病狀, 家長出盡辦法幫忙; 好感動大家義無反顧咁付出, 比咗動力我去嘗試做得更妥當!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
