超開心上課

上星期停咗幫波波做復健按摩, 順延至今日約P姐姐幫我上課, 哈哈我咁講都不足為過, 事關呢個仔太抗拒其他人幫助, 我學咗後可以自己幫佢囉!
波波真係超級緊張, 失明後變得祇信任我, 就算老公同阿女摸吓佢都喺戒備狀態, 無可奈何!

世事難兩全

未見醫生脷仔顏色仲幾鮮

今日帶達達驗血, 呢隻惡女超唔合作, 仲難搞過以前!
Dr. Fung話唔好硬來, 見達達奮力反抗脷仔色都變, 今次醫生聽到佢有心雜音, 心臟真係有事, 更加唔敢刺激到佢發癲!

兼容並蓄

早兩晚要鋪滿尿墊戒備嘅可憐豬

波波腸胃應該OK喇, 琴日嘅poo poo都稍微偏軟, 今日正常返晒😌, 有繼續用slippery elm, 有過血便一般需要用4日修復腸道, 感恩波波同順勢療劑夾, 避得到嘅真係唔想用消炎藥喇!

最鍾意揀夜晚

琴晚達達猛卒眼, 見佢眼白有少少紅, 唔太嚴重就決定觀察, 呢D豬仔有唔舒服最鍾意揀夜晚😖; 先幫佢用生理鹽水沖沖眼, 跟住戴頭罩, 無一定需要都唔想用藥喇!

見到佢戴住頭罩真係慘, 一刻都坐唔定兩頭衝兩頭行, 行到攰時瞓低一陣間, 又再起身衝啊...

唔再挑剔 (w/album)

相片連結

琴日帶波波覆診, 睇吓眼仔情況是否keep得平穏, 心情難免忑忐, 每次拎成績表都有一定擔心!
其實一早知道白內障後逐會有手尾跟, 太多網上資訊想唔知都無可能, 除非自己唔刻意搜尋, 但我又唔可以唔清唔楚咁; 不過知道越多越擔心, 以致我從來唔敢問醫生, 究竟波波情況去到邊個層次, 我怕知道咗仲傷心!

老犬殺手「心臟病」(上) - 誰會罹患?怎麼發現?怎麼治療? - 轉貼

原文連結: http://www.wuo-wuo.com/report/issue/77-live-with-dogs/780-old-dog-killer-quot-heart-disease-quot-who-will-suffer-how-did-you-find-out-how-to-treat.html
狗狗心臟病，有這麼嚴重嗎？根據*統計，心血管疾病連續四年名列家犬十大死因前三名。其中，由於老年犬的心臟瓣膜多發生退化，更是心臟病的好發族群。隨著醫療進步，狗狗的平均年齡越來越高，因為老化而出現的心臟病、腎臟病、癌症成了狗狗死亡主要原因，也是飼主心中永遠的痛。

復健治療

等咗兩星期, 終於等到寵健絡嘅P姐姐上門為波波做復健按摩, 波波一貫係緊張大師, 完全唔合作; 唔好話要按摩, 掂吓佢都反抗, 一來眼仔睇唔到戒心又大咗, 二來腳仔痛, 本能反應摸吓都發惡😓!

康復需時 (w/album)

相片連結

波波腳仔受傷有3星期喇, 算康復得幾好, 雖然未100%好返晒, 仲間中有吊腳, 最明顯係poo poo時間, 一用力嗰下可能仲有痛啦!

但見到一日比一日好, 無咁擔心喇, 自己係有心理準備康復需要一定時間, 只要mon住無變差, 就比時間佢自我修復啦; 但有時知易行難, 都係會偶然情緒失控擔心㗎!
當然我有用順勢療劑tear repair等等去幫吓, 仲要再多幾日等復健安排, 希望物理治療後復原得更快!

往事如煙

今日喺FB睇到一個post, 毛孩媽媽在整理零食, 狗狗喺旁邊乖乖等候, 又令我想起從前....

以前當我坐喺餐檯前, 為3隻豬仔將零食細切, 豆b會飛快跑過嚟, 喺我旁邊轉轉轉, 又叫又跳!
波波就好disciplined, 轉兩個圈會乖乖坐喺我前面, 但個屁股仔唔貼地, 等到如箭在弦!

思念無窮 (w/album)

相片連結

早兩日又發咗一個夢, 夢見豆b, 但佢個樣好唔開心, 我好心痛!
唔係話彩虹橋上無憂無慮, 之前傳心都話見到豆b健康活潑, 點解我見嘅畫面咁唔同?
阿女話豆b當然開心, 佢一向係開心果, 我發呢D夢祇係因為波波唔舒服,  有壓力下發嘅惡夢!

討價還價 (w/video)

波波仍然困籠, 但腳仔進展唔大, 唔知佢真係用唔到力還是心理作用,  佢可以行, 忘形時喺籠內用兩隻後腳企高都夠膽, 除咗poo poo佢轉圈同用力似有困難, 其他無見到明顯傷患好大, 我唔認為帶佢見醫生有幫助, 但都要有人望望佢情況到底有幾壞!

心情點會好 (w/album)

相片連結

波波腳傷兩星期喇, 仍未康復, 已經做得嘅都做, 但都未好真諗爆腦!
唔可以話佢無進歩, 甚至曾有打算順勢療劑可以停服, 見佢都表現得幾好, 但一轉頭又見佢縮腳, 真苦惱!