 |
| 相片連結 |
今日中午就出去, 諗住天氣熱就同3隻豬仔去睇魚魚, 最多唔落地行, 唔想次次出去都夜嗎嗎嘛; 不過都唔可以經常去, 呢3隻豬好難服侍, 因為佢哋好快就會意興斕珊!
距離上次帶佢哋去呢處都有一段日子喇, 就同佢哋再去多次啦, 今次佢哋又有番D興趣, 會望住D魚魚游來游去, 個頭仔跟住D魚郁到忽高忽低啦 :)
跟住同佢哋行街街, 可能正午無人出去, 條街好靜; 我都係睇睇情況先決定比唔比佢哋落地行; 條路好長, 街頭街尾都好大太陽好曬, 偏偏中段就好涼爽, 我試過地下唔熱, 就一個一個放行; 不過要限制佢地行咁短嘅一段路程, 拖繩兜來兜去好煩, 我拖住佢哋不時要hold緊拖帶, 唔比佢哋行出去曬！
 |
| 成日要扯緊條帶限制住 波波唔肯行喇! |
波波開始情緒壞, 停低唔肯行, 我見到條街無人, 路邊又有石屎圍欄, 最重要係前面封咗路, 變咗單一方向, 除咗放狗都應該無人向條堀頭路行啦; 咁單一方向照顧上較簡單, 我試鬆開繩比佢跟我跑, 佢即刻開心晒; 不過我無除拖帶, 諗住隨時要拖番, 然後就輪住一隻一隻咁跟住我跑, 但只距離我3步之間!
 |
| 波波後面封咗路無出口喇 :) 路旁有石屎圍欄 |
 |
| 工人姐姐守住唯一出路 |
工人姐姐就同其餘兩隻豬坐住架車仔守住唯一出路, 我請佢打醒精神幫幫眼, 如果見到有狗有人向我嘅方向行要大聲嗌!
一直都無人無狗, 咁熱天時如無必要, 應該都唔會選呢個時間出街; 今日我好好運氣, 因為有風又唔曬, 又無遇到其他狗狗, 3隻豬仔又好乖, 跟貼我腳步跑!
差不多時間佢哋要食晚餐喇, 又到返屋企時間, 今日行程我好滿意啊 :)
 |
| 好好風好涼爽啊! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
