 |
| 相片連結 |
忙完一輪過咗星期日, 先開始覺得攰到死, 好懶 :)
呢幾日天氣都好差, 有行雷又落雨, 自己又攰, 都懶出街, 但都要同3隻豬落樓下行吓, 諗住落起雨嚟唔會太麻煩啦!
幾隻豬都唔會揀, 總之有得比佢哋出去行, 唔使困住屋企就開心晒, 今晚食完晚飯又出去啦!
近呢兩日少見咗波波發脾氣, 反而見到豆b好惡死; 今早比佢哋食完早餐, 我再去瞓覺, 3隻豬仔就自己瞓床仔, 近來我無比波波上床同我一齊瞓, 費事麻煩; 當我在朦朧間, 聽到佢哋鬧交, 望落去就見到豆b係咁撞波波, 惡到吹鬚碌眼, 而波波就係咁避佢, 退後發出哼哼聲啦!
一直以來見佢哋打交, 總係波波嬴; 可能佢係男仔體型力度都較大, 一出手就硬係豆b輸啦; 每次見到豆b被推跌, 我就認定係波波脾氣壞, 係佢蝦豆b啦!
但我忽略咗佢哋嘅眼神交流, 可能豆b有用眼神挑釁, 因為明刀明槍咁撞波波反而唔嬲!
呢兩隻豬真係俗語話嘅"一擔沙糖一擔💩", 打完又玩, 一個唔留神又扭埋一齊, 我真係比佢哋玩C喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
