 |
| 相片連結 |
今日又同3隻豬沖涼, 然後修吓毛毛, 咁又無咗一日時間; 今次都再同波波, 達達搽油, 但就選局部位置, 唔係真係洗死我啦!
達達就搽吓D黑毛毛, 雖然幫助唔大, 只希望唔好咁快又旱晒; 雖然我唔敢剪短達達嘅毛毛, 怕一顯露D黑毛就變差, 但我發覺D黑色毛毛生長得好快, 越生越出喇; 如果呢個係必經嘅階段要咁樣循環, 我點小心都無辦法阻止, 我仲可以點辦? 只可以見步行步, 所以都有同佢修齊整吓D毛毛啦!
波波就要搽胸口位置, 嗰度有D黑色素沉著, 胸口毛毛都薄晒喇, 波波對搽油療效明顯, 每次都見到D黑色淺晒, 照咁睇應該好快無晒,希望咁毛毛會長厚番啦;波波嘅情況唔同達達, 我唔係咁擔心, 波波似係皮膚敏感, 有因有果就易辦, 但達達呢個X檔案, 真係考起我喇!
跟住到豆b沖涼, 本來皮膚最差嘅呢隻豬, 唔知從幾時開始皮膚問題無晒; 我都係用sore no more洗毛水, 跟住一定用蘋果醋浸身啦!
豆b係3隻豬裏面唯一因為皮膚問題, 專程要見醫生嘅麻煩豬, 跟咗我幾日就因趾間炎要見醫生喇, 呢個症狀仲有兩次番發; 跟住又頸有紅點, 甩晒毛毛添啦!
但近一年間, 唔覺再有呢類問題出現; 醫生有話呢D問題係免疫系統差誘發, 咁即係呢隻豬身體無以前咁差, 呢個乞嗤公主都好耐無密密咁打乞嗤喇; 只係氣管都係弱, 如果係先天氣管狹窄, 咁都無辦法喇, 唯有盡量舒緩呢個症狀, 講開呢用AromaDog Cough Drop香薰噴吓,對twins都受落㗎!
3隻豬起碼都有一隻比我一D正面鼓勵, 唔好顧得達達, 波波又有事先得㗎, 真係無時得安樂嘛 :(
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
