個電腦真係攞命, 大時大節都攪到我一頭煙:(
話說早前無啦啦開唔到Window, 咁要重裝啦, 一重裝就要再set過個硬件喇, 好在有做backup咋; 不過已經好煩, 好多軟件要重裝嘛, 又要叫阿女攪, 我唔識咁多啦!
風平浪靜過咗一個月, 突然有訊息叫我要啟動Window, 講一吓就唔見咗條訊息喇, 我都唔知點啟動, 又唔知有期限, 無理兼唔記得咗喇; 點知琴晚又彈咗條訊息出嚟, 話係最後日期, 一定要啟動啦, 阿女又唔喺香港, 無得幫我喇, 死死氣唯有自己試啦:(
跟住step去做, 輸入product key, 試完又試都係唔得, 試到三更半夜再call微軟, 都係啟動失敗:(
一諗起如果又要重裝Window, 我真係標晒汗喇; 唉, 唔好玩我呢D電腦白癡啦!
今日打電話求助, 問問電腦公司幫我重裝過Window, 個product key會唔會唔同咗架, 佢話唔會, 同我對咗Window嘅內容, 佢話無偏差, 叫我再試吓!
如果真係唔得, 就要拎個腦去比佢睇吓,救命呀!!!
好彩今日一試就OK, 唔知點解琴晚試咗咁多次都唔得啦:(
我肯定無入錯資料, 無理由入咁多次都無一次啱卦, 甚至打電話去微軟, 對過資料都無錯㗎, 佢仲叫我今日搵佢哋技術支援幫手, 因乜今日咁順攤?
呢D電腦科技真係無喱頭, 本來咁簡單嘅一件事, 係都要我一波三折, 比個中秋特備節目同我玩吓, 不過我就真係比佢玩死啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
