 |
| 相片連結 |
朋友幫佢嘅狗狗做咗個手版, 做得好靚,引起我極大興趣, 我都想幫我嘅狗狗做番個, 但今次我選咗做浮雕相!
阿女話睇人哋嘅狗狗神似, 睇自己嘅狗狗就會兩樣, 因為相似度唔止係個樣, 最難掌握嘅係每隻狗狗唔同嘅神態, 仲有一D主人先會注意嘅微細地方!
要去捕捉凡此種種, 有無可能祇憑一張相? 我哋都有懷疑; 心諗就算跟到足張相, 做到比例一模一樣, 但感覺都係會唔同樣!
呢種係一種心嘅連繫, 係一種默契, 要長年培養出嚟, 要一個陌生人憑一張相, 有無可能做得神似?
但我真係越睇越鍾意, 只好叫自己調較吓心態, 唔好要求咁高啦, 只要求70%像真度就好; 又有諗過先做一隻睇睇效果, 但最後都決定一次過做晒我8隻寶貝, 因為排期好耐, 我呢個心急人要咁樣等好辛苦!
雕刻師在進行雕塑途中, 會一路updated佢嘅進度, 見到初稿有問題我會即刻同師傅商量, 我諗佢都覺得我心急又緊張, 問題多多又要求過高 :P
結果出嚟, 像真度真係好高, 係顏色方面有D偏差, 當然無可能要求100%相似度, 就算係倒模製作, 都唔會做到同真實一模一樣咁好; 但總括嚟講, 已經超乎我要求嘅程度; 有時影相都未必同真身相似嘛, 要求太高徒添苦惱, 呢個雕刻師已經係功力好高!
 |
| 3隻豬 - 實物係靚好多㗎, 真係好鍾意! |
 |
| 換咗相片做背景靚D! |
好開心可以擁有呢種立體浮雕相, 感覺就如一D名人嘅銅像同蠟像一樣, 係一個珍貴嘅藝術紀念品, 自己做過手功就知, 所花嘅時間同精神真係難以想像; 藝術係無價嘅, 而我付出些微代價可以擁有獨一無二嘅8隻寶貝, 要多謝雕刻師嘅勞苦功高!
本來有諗過做得好再做埋手版, 而家決定唔做喇, 喺呢個過程中都有過忐忑不安, 雖然叫自己唔好期望咁高, 但都係會成日諗住做得似定唔似呢? 都係辛苦 :)
 |
| 掛喺4寶幅十字繡下面, 好靚吖! |
 |
| 我好鍾意企喺度睇個側面嘅立體效果:) |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
