 |
| 相片連結 |
每年9月我都特別忙, 當然都係為3隻豬仔啦, 忙完佢哋過生日, 又開始張羅佢哋過中秋喇:)
每年都會同佢哋影過節相, 今年都一樣, 不過佢哋唔鍾意排排坐咁影相, 所以今年都無刻意畫背景喇, 隨隨便便快快手影算啦:)
雖然唔忙影相, 但係都忙幫佢哋做月餅啊, 自從嘗試過自己親手去做, 就無諗過訂購喇, 因為自己清楚材料, 確保到新鮮健康!
其實我做嘅所謂狗狗月餅, 同佢哋平時嘅食糧無兩樣, 只係做個型狀, 滿足吓自己, 叫做一家齊齊過節食月餅啦!
今次都係用蕃薯做餅皮, 最簡單不過喇, 餡料做咗兩款, 青豆鴕鳥肉同南瓜雞柳, 咁配搭包無撞板:)
見到3隻豬食得咁滋味, 都算忙得有價值, 跟住同佢哋出去影番D過節相, 唔死板板咁叫佢哋坐定定, 佢哋唔抗拒咁樣影相啦:)
.JPG)
今年過節, 阿女提議去銅鑼灣食晚飯, 食完飯可以去維園彩燈會行吓; 自從搬離銅鑼灣, 真係好少過去逛, 無論平日或假期, 都人山人海好難行, 有D怕怕!
簡簡單單齊齊整整食一餐過節飯, 意義重大, 代表住一家人個心從無分散 :)
晚飯後再踏足入維園, 感覺既陌生又熟識, 想當年推住車仔, 載住波波同達達, 都唔知行過幾多次喇, 當年嘅波波好乖,係完全唔會吠㗎, 都唔知因咩事變到依家咁難攪!
至於賞燈, 年代更遙遠喇, 在我記憶中當年阿女仲係小學生, 時間...真係過得太快!
 |
| 雖然無帶佢哋去, 但都比佢哋在相片中參與彩燈會啦 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
.JPG){kind=link}