 |
| 相片連結 |
琴日係我嘅大日子, 不過好似唔關3隻豬仔嘅事, 咁都係嘅, 生日對佢哋無咩意思:)
一年一度3隻豬嘅生日party, 只係我嘅把戲, 老公同阿女肯陪我癲, 真係要好多謝佢哋 :)
不過3隻豬都比平日多咗不同口味嘅點心, 佢哋都應該鍾意:)
一早起身,就開始整點心, 今次好懶, 無攪咩新意思; 今次整咗"寒天奶凍, 鴨肉南瓜小丸子, 仲有鮮奶焗芝士薯茸餅餅", 因為達達未完全康復, 我避咗唔用蛋同牛肉喇, 而今次訂呢個生日餅, 都有特別指明要做無蛋嘅蛋糕; 老人家流傳落嚟話呢D對皮膚傷口都唔好嘛, 我寧可信其有, 好過將件事攪糟啦!
差不多時間就去攞餅, 跟住仲要番嚟佈置場地, 又要同3隻豬仔打扮, 我唔想時間太緊逼, 本來想約早D去攞餅, 因為阿女下午有事, 但餅店姐姐話最早要中午12點, 咁都OK啦!
約嘅時候有同佢講希望準時, 佢話自己揸車過嚟好快, 我係第一站唔會遲, 叫我去油蔴地港鐵出地面等佢; 我見佢上FB怨人攞餅唔守時, 諗佢應該唔會遲到, 怕佢停車等候唔方便, 我早到10分鐘等佢, 但結果我等咗共40分鐘 :(
喺街上等到12:15PM, 仍然未見佢踨影, MSM唔覆, 我又唔熟路, 又唔知自己有無摸錯地方, 再打手機又唔接....最後等到12:30PM佢先到, 無一句sorry, 好似奉旨:(
我明白係人手問題, 但做唔切要考慮請人幫手or 截單, 做生意要識managed, 俗語有話“無咁大個頭唔好戴咁大頂帽", 乜都要適可而止嘛; 咁做令到自己辛苦, 客人時間亦失預算, 仲要提早一個月book位, 咁management我不敢恭維, 唔會再有下次:(
我真係唔開心, 點解有口話人無口話自己? 點解要咁唔守時? 依家D人真係觀念怪異, 好似唔識咩叫尊重彼此!
從來約會我極守時, 大家嘅時間一樣寶貴, 15分鐘等候係我嘅上限; 有突發事件禮貌上都應該有個通知!
琴日唔計我早到嘅10分鐘, 足足浪費我半個鐘時間, 大熱天時要我企喺街度, 身水身汗乾等, 咁情況有邊個願意? 喺呢間餅店做蛋糕今次會係我最後一次, 好嬲! 好討厭人家咁唔守時!!!
 |
| 今次個餅做得唔靚,仲要拎到番嚟走晒樣要修理, 激死:( |
匆匆忙忙趕番屋企, 還好琴日尚算順利, 佢哋無打交:)
依家要佢哋好似以往咁乖乖坐定影相好難, 無mood唔笑我都明白佢哋, 畢竟比部相機對住係有壓力啦 :)
感恩3隻豬勉為其難都坐低比我影相, 影生活相佢哋係OK, 但要咁坐定做佈景佢哋越越抗拒, 今次真係鍚晒佢哋 :)
不過我好緊張, 佢一坐埋我金睛火眼咁睇住, 個口就叫阿女影相要快,咩都唔好理!
見到豆b 'fing"到頭花跌晒落, 都費事慢慢整理, 快快手影完就ok :D
再多謝V嘅生日禮物, 只有波波最鍾意, 佢向來都貪新鮮最好奇:)
工人姐姐都買咗禮物比3隻豬, 但佢好攪笑,佢竟然去搵同V送嘅玩具一樣牌子"KONG", 佢話咁我一定唔會話有毒將佢收起 :)
佢話本來想買零食, 但食物食咗就無, 佢話如果有一日佢完約回菲, 希望我見到呢件禮物, 會記起佢!
呢個姐姐比我嘅感覺一向係傻吓傻吓, 點解突然咁感性起嚟 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
