 |
| 沖完涼喇! |
今日同達達沖涼, 琴晚已經同佢搽咗油喇, 睇見佢毛髮嘅質地, 完全係死毛一樣, 完全無例外, 係跟住之前嘅路咁走喇!
即使我左避右避唔剪毛, 完全無幫助, 而家我就知道上次甩毛同剪咗面層嘅毛係無關係喇; 每次我剪毛, 都唔想剪咗面毛而露出D黑毛, 但事與願違, 底層嘅黑毛侵佔到上面, 毛色毛質都起晒變化, 同上次一模一樣, 眼睜睜望住個過程係咁, 今次我睇化喇!
我一直都有keep住留意"Black Skin Disease in Pomeranians"呢個群組嘅POST, 佢哋都有提及狗狗長番毛毛後, 毛質偏向羊毛化; 上兩次達達係咁, 今次都一樣, 咁睇嚟呢個症狀係有一條軌跡咁行, 係無得避啦! 我希望早D做呢個搽油療程, 今次唔會甩得咁徹底啦, 不過雖然達達毛質變差, 但毛量仍然係好密, 毛茸茸咁即使搽油都好難搽到底下!
 |
| 搽咗油準備沖涼 |
 |
| 落重手敷扶養泥 |
 |
| 咁亂點都要修吓啦 |
今日沖涼, 重手D用咗半樽扶養泥同佢滋潤吓, 搽咗油敷咗泥毛毛感覺係無咁差, 我現階段只有做呢D幫吓!
今日本來無打算修毛, 但吹完毛感覺好唔齊整, 咁都係忍唔到手要修吓喇 :)
 |
| 整齊少少算喇 |
同朋友傾談間講起達達, 佢話做咗咁多嘢一下又復發, 今次唔好理佢啦, 反正係一個循環, 佢今次甩咗都會生番嘛！
似乎係有道理嘅, 如果係Seasonal Alopecia!
但今次甩毛, 邊個敢保証一定會重生? 如果咩都唔做, 有可能錯失黃金時間!
我好懷疑有無主人會眼白白睇住狗狗一路咁甩毛都會蹺埋雙手任佢自然發展, 越變越差?
做咗幫唔到係無辦法, 唔做任由佢情況變差? 呢個一定唔會係我喇, 我係唔會放棄任何機會㗎!
 |
| 邊會有人會話佢D毛毛有事吖 :( |
Link: Seasonal Alopecia
http://www.petwave.com/Dogs/Health/Alopecia.aspx
http://www.livestrong.com/article/318616-seasonal-alopecia-treatment/
http://www.wisegeek.com/what-is-seasonal-alopecia.htm
