 |
| 相片連結 |
今日天陰陰, 有D驚會落雨, 十五十六究竟帶唔帶佢哋出去行, 最後都決定等佢哋跑一跑啦！
同佢哋出街, 如果好運無遇到狗狗, 地方大D比佢哋行, 佢哋會開心D㗎; 不過喺馬路旁邊, 有時會有剎車聲, 就會嚇到達達好慘, 見佢嚇到尾仔耷晒腳軟坐低, 好陰功呀！
不過達達豬進步咗好多喇, 佢有勇氣再接再勵, 驚完又再繼續行, 真係抵讚 :)
今日都係行舊路, 但再唔係堀頭路喇, 前面開番咗個出口, 都幾濶架; 我再唔會放繩比佢哋行, 唔係100%安全, 我唔會博㗎, 萬一有特發事件嚇親走失點辦, 真係諗吓都叫我標晒冷汗, 唔好咁玩!
波波今日心情好好, 眼神柔和, 都無兇豆b喇, 佢跑得好開心, 不過有人過路, 佢都係吠到嘈晒, 點解? :(
豆b都好開心咁跑, 又唔肯慢慢行, 見佢跑到氣都喘晒, 唉！
早兩星期開始比佢哋飲多一次鱷魚肉湯, 唔知係咪加咗虫草花真係有效, 近星期再無聽到對twins氣管'卡卡'聲喇, 希望keep到啦, 食補一定勝過藥補啦:)
豆b氣管問題都好難攪, 唯有限制佢跑嘅時間！
|
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
