到今日達達已經完成兩個月順勢療法, 由每日服藥4次減為每日2次, 本來預算今日可以將療程暫時按下; 但減少服藥次數之後, 到中段時間, 見到佢腳仔又震番 :(
呢個情況正面就話比我知, 順勢藥物對佢似乎有效, 因為一減少藥物, 症狀又出番; 但負面嚟講, 佢即係不但唔可以停藥, 甚至唔可以減藥, 長食有無壞影響㗎?
請Mi幫我問問澳洲嘅順勢療法醫生, 佢建議比達達食一個longer term, 再配合一 D supplement, 等情況穩定再慢慢quit都問題唔大, 順勢藥物並無毒素, 唔算strong!
還好醫生建議服用嘅supplement, 大部份都包含喺"Vetri Disc"入面,只要我keep住咁食, 希望時間耐D佢唔使再倚賴順勢藥物啦, 照咁睇用"Vetri Disc"保養脊椎真係頗理想!
一直以來我都好擔心, 就係達達洗牙嘅問題, 原來順勢療法都有針對性嘅藥物, 既然達達頗接受順勢療法, 我姑且又試吓啦; 不過我期望都唔太大, 因為睇其他用者嘅feedback, 要配合刷牙, 咁效果先會良好, 呢隻惡女達達連摸吓嘴邊都有難度 :(
呢set順晒藥物似乎好好, 不單可以去除牙斑, 如果配合刷牙話牙石都可以去到 :)
但我之前試過咁多產品, 都係講得好好,正面結果都係無; 不過我都無其他辦法, 唔想達達麻醉洗牙, 就再試埋今次, 希望有D幫助都好啦!
今次除咗訂呢組藥, 仲訂咗一D係可以排出體內嘅毒素, Mi嘅狗狗一直有服用, 咁耐以來都無出過問題, 而達達服用呢類藥物都效果良好, 我都放心一試!
今次會比3隻豬仔一齊用, 對twins都肯比我刷吓牙, 希望呢組順晒藥物都同佢哋夾到, 咁就唔使再擔心口腔嘅問題喇!
又開始 on call 36小時, 隨時候命, 我張時間表又密密咁排好 :(
希望呢個只須一個短時間, 一切都會有improved!!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
