 |
| 相片連結 |
今日天氣好差, 又行雷又落大雨, 天都黑晒; 無得同3隻豬出去行, 即使落樓下花園都好唔方便, 濕立立無晒mood啦; 3隻豬唔出街只好留喺屋企玩, 玩吓又瞓覺, 咁嘅生活都唔差啦, 優遊自在, 其實都好歎 :)
不過打咁大嘅響雷真係嚇死達達, 本來我都未瞓醒, 但一個雷響, 我成個醒晒; 問題最大係達達, 佢嚇到喺床上兩頭跑, 我點可能繼續瞓覺!
我即刻抱佢入懷, 小心安撫, 叫佢唔好怕, 佢咁亂跑, 我好怕佢挫親條腰同脚仔啦, 雖然我都將順勢藥物加番去之前嘅份量, 但幾日間未穩定嘛!
但呢隻女比D雷聲嚇到發晒矛, 我抱住佢都用力掙扎, 咁點辦?
又諗起琴日豆b用CALM EZE都見效, 即刻拎D療劑出嚟比達達試吓, 因為達達比豆b情緒更差, 驚到失控咁啦; 我除咗比佢CALM EZE, 再加埋FEAR NO MORE, 無時間分隔時間喇, 兩種一齊餵佢食啦!
餵完後過咗10分鐘, 雷響停晒, 達達都安靜番; 唔通呢D藥真係咁有效? 我唔想太神化呢D順勢藥物, 可能有咁啱無再行雷, 達達就calm down啦!
達達回復平靜後將佢困籠, 安全D啦, 佢可以安靜咁瞓覺喇!
要反覆做多幾次實驗, 睇吓呢D藥效果係咪真係咁猛 😜
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
