 |
| 我都儲存咗好幾類順勢藥物喇 :) |
即使有好多國家已經將順勢療法納入為正統治療, 亦已經非常普及, 但因為香港仍未流行, 心理上都總係唔能夠當佢係第一線藥物; 可能長久落嚟已經種咗根, 認定咗西醫西藥係最正統, 其次係中醫中藥先為人接受!
但越睇得多藥物嘅資料, 越開始關注藥物帶出嘅副作用問題; 如果可以選擇, 喺一D minor嘅case, 又或者正統西藥無呢類藥物治療, 我開始試用順勢療法!
今次達達食呢類藥物, 我本來信心唔大, 但針灸未係咁理想, 又無西藥可以針對性幫忙, 我唯有試吓; 即使見到效果唔錯, 都有諗過可能係咁啱嗟!
上星期同3隻豬沖涼, 有可能自己身體未完全好番, 第二日瞓醒條腰痛到埂晒; 我諗起之前買落嘅順勢藥物"山金車", 姑且試吓, 好神奇食咗無耐就完全好番, 咁信心又加大 :)
今次訂嘅動物配方順勢藥物(non drug prescription), 除咗主力於達達嘅椎間盤同後脚問題, 訂多咗幾類比3隻豬仔; 有口腔配方, 當然係針對口腔衛生, 希望可以幫到清除細菌問題; 仲有排毒配方; 呢個配方話可以將過去打針食藥沉澱於身體嘅毒素, 都可以排放番出嚟!
口腔問題影響好大, 同樣身體有毒素, 可以引發更嚴重嘅問題; 我希望未雨籌謀, 可以避免到不能承受嘅後果!
呢幾種配方嘅好處係唔需要長期食用, 一年服用幾次就OK, 咁都好易話為; 希望呢D無毒素嘅健康藥物真係可以幫到3隻豬仔, 令佢哋身體強壯D啦!
http://www.reformhaus.com.tw/news0201.php?Key=20
http://www.vitaadd.com/library/library_more.asp?id=76&qa_id=462
http://zh.wikipedia.org/wiki/%E9%A1%BA%E5%8A%BF%E7%96%97%E6%B3%95
http://www.boiron.com.tw/Boiron/GuestBook/GBContent.asp?id=843
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
