 |
| 相片連結 |
自從知道紅外線同遠紅外線嘅分別, 就無諗過要買紅外線燈喇, 因為佢唔算有咩治療效果, 都係一般幫助血液循環好D; 但最近FB群組又熱烈討論呢種燈, 網友Ka都買咗幫佢狗狗照, 佢嘅狗狗都有椎間盤突出嘅病患, 佢話照咗效果非常明顯, 佢甚至比個封號, 叫呢枝燈做"救命燈"添!
雖然知道呢枝燈遠遠及唔上遠紅外線, 但唔用作醫療純為保健都應該ok嘅, 咁多朋友評論都無負面, 兼且之前達達做針灸都有照, 咁我就買枝番嚟同兩隻豬仔照照啦, 反正暖暖哋照住都舒服, 而最重要係價錢, 同遠紅外線嘅分別真係好大距離, 作為保健平平哋算喇!
 |
| 德國博雅紅外線燈 |
我都係鍾意去醫療儀器用品公司買醫療器材, 牌子都係揀選番主攻醫療嘅品牌就算
達達做任何治療都好合作, 好快好relaxed瞓埋覺添, 波波就一貫無耐性兼坐唔定, 同佢做所有treatment都係得一半一半, 永無做得完 :(
同佢哋照呢個燈我要寸步不離, 最重要係確保唔可以照到眼仔, 而且照射中溫度都好高, 萬一比佢哋行咗埋去都真係後果嚴重, 實變燒豬喇; 再者我要人手轉換吓角度, 務求做到最好啦; 一隻手要定住隻豬嘅頭部, 等佢哋唔可以轉過嚟, 另一隻手就調整角度; 好彩係短短15分鐘為一節時間, 都仲可以輕鬆咁應付!
上次同姐姐們茶敘, 佢哋話好多人都無3隻豬咁巴閉, 少少問題就攪咁多嘢出嚟! 但養得佢哋就要負起責任, 照顧好佢哋身體, 唔通睇住佢哋有病有傷患都可以唔理咩!
喺我能力範圍, 我願意盡我所能比佢哋最好嘅一切, 希望3隻豬keep到有個唔太差嘅身體啦, 我會盡力而為!
遠紅外線醫療網:http://far-infrared.info/faq/qa.aspx
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
