 |
| 相片連結 |
今日同3隻豬去街街, 因為風大, 同佢哋著咗件衫, 波波即刻面都黑晒, 一路要用小食氹住先肯行, 仲要行吓停吓仲坐低埋, 真係難攪!
呢幾日都有同佢哋落去花園行, 自從諗過唔比達達落地, 就多咗落樓下兜彎; 但幾日來波波都無得落地, 都想比波波跑跑嘛, 今日就同佢哋出街行行!
可能著咗衫個仔好唔慣, 今日又唔好彩見到幾隻狗狗, 攪到波波好似精神病患, 一路行都緊緊張張, 完全唔enjoyed今日去街 😖
我真係唔應該將決定左搖右擺, 明明連兩個女嘅拖繩都無帶, 都話咗唔落地行啦, 但見行番達達熟識嘅路, 就試下放佢落地, 睇睇佢行得點啦; 但達達真係行得頗差, 行兩步就停低喇, 而且表情繃緊晒, 佢話比我知係唔想行!
似乎達達好難去番從前咁喇, 佢脊椎問題真係影響好大, 亦有可能到咗脫毛期荷爾蒙改變有關, 總知一放佢落地, 佢成個緊張晒; 除咗感覺佢情緒上有改變, 身體平衡都有D偏差, 喺屋企行係唔會咁㗎; 緊張令佢將肌肉拉緊咗, 加上脊椎病患, 都係出街坐私家車算喇!
希望佢過渡咗討厭嘅脫毛期, 荷爾蒙就正常番, 脊椎問題再休息耐D, 復康都係需要時間嘅!
近來天氣又冷又熱嘅, 對豆b係一個大挑戰㗎, 隻豬氣管咁差, 不過今年佢都算叻女喇; 我都有諗過今日咁大風適合佢行嗎?
最後都嘗試比佢行咗一陣, 但都要用小食引導, 佢都係只鍾意去街唔鍾意行!
不過呢隻豬就傻更更, 所以成日都開開心心, 有樂天性格!
似乎3隻豬都有不同理由適合坐車遊覽, 波波欠安全感, 達達有脊椎病患, 豆b又氣管差啦; 今後都真係唔好勉強, 要用小食利誘就即係唔想行, 咁就上番車算喇; 波波總會有遇到適合嘅時間地點, 佢會鍾意行, 達達就要再等時間, 隻豬豆等天氣好D佢就會生猛!
早幾日遊花園都笑吟吟嘛, 做咩今日一出街咁情緒化㗎!
photo album: Feb 28, 2014 / Mar 02, 2014 / Mar 04, 2014
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
