壓力舒緩 - Naturgen酵素精華

今日天氣好似又凍咗, 今早見到波波有作嘔嘅動作, 不過最後都無嘢嘔出嚟!
希望無咩大問題啦, 近排聽到好多狗狗健康出事, 好唔安樂!
今早早餐只比佢食兩啖咁多, 唔可以見到兩個女有得食, 而佢無喎; 佢咁情緒化又敏感, 我唔敢咁做囉, 一陣又唔開心就死火!

一出去就緊張到不得了, 不停吠 :(

 

 


波波以前唔係咁神經質嘅, 雖然從細都係膽小怕事, 但依家情況真係差咗!
用過香薰, 花藥嘗試幫佢將壓力釋放,  但完全無效果, 究竟佢壓力從何而來? 又唔知係唔係真係壓力問題,  佢又唔識講喎, 我都係猜猜度度, 盡量去試吓用各種方法去幫!

 

 

今日約咗Mi過嚟, 佢真係比我好多幫助, 因為佢係順勢療法嘅忠實fans, 自然會叫我試用順勢療法去幫波波; 我諗佢屋企真係有如一個小型藥房, 各類順勢嘅藥物都有好多, 佢話今日拎D安定情緒嘅藥比我,  比波波試吓有無效果啦! 由於達達用順勢治療成效都好似唔錯, 佢真係少咗脚震, 係比之前好番好多; 即使D藥唔work都唔會有咩大錯, 咁我都放心比波波試試希望有效果啦!

有壓力, 做安定訊號喇

 

不過.....波波真係好抗拒任何幫助, 佢身體好似有一種超能力,去repelled一切外來嘅藥物, 我諗順勢療法對佢都唔會有好好嘅效果喇, 因為剛從Mi手上接過D藥, 我即時比佢食咗, 唔覺有作用囉!
唉! 真係咩辦法都試過, 湊呢幾隻豬真係壓力一籮籮 :(

 

 

似乎達達係較適合另類療法, 之前花藥幫到佢, 順勢藥物都有幫助, 一切治療真係要夾先有效果!可能Mi都feel到我好stress, 今日佢送比我一盒花藥candies, 佢係專程訂番嚟比我, 佢話唔祇波波, 我都要減壓喎 ;)
哈哈! 多謝Mi咁有心, 呢份心意我全數收妥 :)


 
另外佢都幫我買咗酵素精華, 之前佢比我試過係效果唔錯, 當然我無奢望用呢D產品會幫到達達嘅脫毛症,  但比3隻豬齊齊做個保濕皮膚都唔錯啦!

「能益淨」免洗潔毛護理精華

天然酵素呵護寶貝毛髮 迅速完成全身清潔 全效消除異味與騷癢
無添加化學成份

全面提升皮膚毛髮的免疫力，保濕而不油膩。

坊間普遍針對皮膚的產品都是治標，【免洗潔毛護理精華】是以治本為概念的！

有效治理寵物的問題皮膚，例如：濕疹、過敏痕癢、紅腫、指間炎、腳瘡、塵蟎昆蟲叮咬、體臭、真菌、黴菌、脫毛...等。

成份100%天然，本產品為天然酵素成分，若寵物舔食並無大礙。

若有白色懸浮物及開瓶時之產氣與發酵味，為益生菌自然現象，並非發霉，請安心使用。

成份: 台灣檜木酵素、台灣土肉桂酵素、蘆薈、無患子萃取物、玫瑰天竺葵精油

1.台灣檜木天然精華，森林芬多精可使寵物身心舒爽並抑制壞菌生長。
2. 台灣土肉桂酵素，可有效提升寵物皮膚及毛髮的免疫力。
3. 玫瑰天竺葵精油，可舒緩寵物壓力，促進毛髮髮囊之新陳代謝。
4. 所含成份皆為天然，SGS認證不含化學有害物質。

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！

聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。  望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！