 |
| 見唔見到達達豬呀？ |
今晚場雨真係好大, 加上行雷閃電, 雷聲仲好大好驚人; 唔使諗都嚇到達達好似隻盲頭烏蠅亂咁撞, 佢真係驚到震; 我第一時間衝去拎D順勢藥物, 希望一如琴日可以令佢舒懷, 但今次打雷聲真係太大, 達達猛力左搖右擺, 我想餵藥落佢口都唔夠佢郁得咁快 :(
好唔容易終於餵到佢喇, 但今次唔work :( 今次雷聲咁大, 仲持續咁耐, 要安撫佢有困難!
我都唔敢將佢放低, 緊緊抱佢入懷, 但佢都猛烈掙扎!
咁情況下唯有做acute treatment, 15分鐘後再餵多次療劑, 好似好咗少少, 反應無之前咁大, 但一打雷佢都係嚇到碌大對眼, 真慘!
我抱咗佢上床, 將枕頭被舖叠高晒, 將佢藏喺中間, 比佢多D安全感, 好似有效; 加上可能咁啱適放藥效, 佢終於可以瞓到覺!
好彩波波同豆b無呢個毛病, 如果3隻一齊咁樣我都唔知點攪!
 |
| 還幸波b豆b無受影響照舊大覺瞓 :) |
呢場豪雨落得好急, 喺一個鐘頭內就由黃雨變黑雨, 好多地區都出現水浸, 地鐵站有如瀑布已經好嚇人; 仲要落埋冰雹,更撞穿玻璃幕牆天花, 地鐵都穿車頂, 真係恐怖!
一場大雨帶來咁多破壞真係不幸, 希望損失嘅只係財物, 無傷及毛孩同途人啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
