 |
| 相片連結 |
每次病都咁命, 又咳又失聲, 本來仲未康服, 真係唔想再體力消耗, 但聽完天氣報告, 週末又再轉涼, 今次又唔知會凍幾耐喇!
近日天氣潮濕, 望見佢已經好唔舒服, D毛毛摸落都唔軟熟, 一於打起精神同3隻豬沖番個涼!
用MILKY SPA有個好處, 唔使每次都用沐浴露, 今日我用酵素精華先同佢按摩, 然後就可以放佢落水度, 等微泡發揮功能, 同佢自動清潔好, 咁我都無咁辛苦!
波波做任何照燈, 熱敷都唔定性, 唯獨浸微泡, 佢可以好放鬆!
每次我都會坐佢旁邊陪住佢浸微泡浴, 今日睇住波波舂眼個樣, 好卡通 😄
最後我用手托住佢頭仔, 等佢好好享受呢30分鐘啦!
豆b同達達就一般啦, 唔會抗拒但又唔覺佢特別覺得舒服, 不過兩隻豬依家都肯坐定浸30分鐘喇 😊
今日同達達沖完涼正吹毛中, 發生個小意外, 個風機突然唔work, 以為係鬆電線, 叫工人姐姐睇電掣又無鬆, 原來全屋都停電!!
達達全身濕漉漉, 凍親點算, 急得我如熱窩上螞蟻, 唔知點好; 即刻call管理處問明情況, 比佢一言驚醒, 問我係咪fuse跳咗掣!
抱住用毛巾包到實一實達達, 叫工人姐姐幫手"拍"番個掣啦, 但佢就呆若木雞, 全屋停電佢竟然會嚇到坐低, 日光日白都唔知驚乜鬼, 激死!!
可能電力負荷太大喇, 又開抽濕又開空氣淨化, 最衰就係工人姐姐選正呢個時間熨衫, 須知熨斗耗電量都唔細嘛, 真係幫倒忙 :( 對住呢個姐姐我EQ好快變負數!
達達毛毛已經好薄, 還好未有黑皮膚, 希望今次都平安過渡; 沖完涼同佢照燈, 速進血液循環; 血液循環良好, 希望不單幫到佢脊椎, 仲可以幫到佢生毛毛 😊
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
