 |
| 相片連結 |
有好幾日無寫blog, 3隻豬仔生活如常, 無咩特別問題係好現像, 又或者係比起以前, 我將問題比較睇得開啦!
往時豬仔們有任何事故, 我會諗盡一切辦法去解決問題; 呢樣當然無改變, 有問題我仍然係盡心, 盡意, 用盡我一切力量去幫!
但心態有D唔同, 我再唔會執著於要恢復從前一樣, 只要盡咗力去幫, 無放棄任何可以嘗試嘅辦法, 我唔再心理上揹住一個重重嘅包袱咁不安!
今次達達再度開始甩毛同椎間盤問題, 我都有搵新嘅辦法去幫佢, 但效果是否理想, 就完全唔係由我controlled喇! 執拗於效果完美就有如要求長生不老咁荒唐 :)
一件機器用舊咗經過維修都未必會同之前咁好, 一個有病嘅身體, 康復後狀態亦唔一定如先前咁勇, 能夠100%康復係bonus, 但求保得住安穩嘅狀態, 其實已經好好!
我但願3隻豬平安過渡每一日, 今後我都會一如以往, 有事會諗方法盡量去幫, 但希望自己可以做得到唔再庸人自擾, 擔心多多!
近呢個星期開始咗口腔健康嘅順勢療法, 要密密餵藥, 都只可以抽空遊吓花園, 完成療程後好快一切就可以回復正常!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
