 |
| 相片連結 |
今日天氣都好好, 但週末要去開平時散步嘅地方, 一定好多狗狗行街街, 本來都想唔出去喇; 但一諗工人姐姐聽日放假, 咁又無得去街街啦, 為咗達達開心, 寧願行遠少少啦!
一路步行途中, 波波都吠到嘈晒, 我都唔知佢係咪壓力咁大; 行咗無耐遇見街坊, 佢都笑晒, 佢話一聽就認得臭豬波把聲啦; 講真同呢隻豬出去真係好煩, 耐咗無出去佢更加失態, 咁嘈法我好尷尬啦!
 |
| 吠飽佢啦！ |
街坊叫我唔好壓力咁大, 大街大巷又唔係唔可以比狗行, 由得佢吠餐飽, 佢叫我唔好阻止唔好理佢, 唔係佢仲以為自己做得啱; 街坊話其實佢把聲唔大, 放鬆D出去行啦, 佢吠飽自然唔吠喇!
咁我嘗試無視佢嘅叫聲, 一於正常咁行, 甚至唔再望佢喇; 不過遠距離見到有BB車或者小朋友, 我都盡量迴避, 唔想嚇親人哋啦!
呢隻衰豬真係曳曳, 係咁吠, 但我豁出去喇!
 |
| 呢個哥哥好攪笑, 影完仲比 番波波睇 :) |
果然吠咗一輪佢收晒聲喇, 連有人過黎睇佢哋都再無吠, 期間有個哥哥猛幫佢影相, 又同佢傾偈, 仲比影咗嘅相佢睇番, 佢都無吠呀 :)
一直到我哋回程, 我兜落商場買D嘢, 喺人來人往咁多人嘅商場裡面, 佢都無吠過, 好神奇啊!
今日我祇比波波落地行, 我諗我呢個計劃會實行一段長時間, 因為見到達達行得好用力, 佢嘅步伐同平時喺屋企係有分別啦, 如果步姿不正我擔心佢會整傷呀!
 |
| 達達同波波爬低睇街街 |
我唔知佢到底係緊張還是椎間盤問題令佢行得好唔慣, 我超怕佢挫傷就慘啦, 都係同佢照樣去街街, 但坐車仔算喇, 要步行運動都係唔好範圍咁大, 只限於圍欄內好喇!
我要保住佢椎間盤唔好有進一步惡化, 就由得佢坐車仔逛街街啦, 反正佢都一樣咁開心兩頭望, 咁樣我同佢壓力都無咁大!
豆b就要睇佢意願啦, 放佢落地佢唔想行就聽佢選擇算喇; 原來"接受"係好重要嘅一環, 世界上無百份百對與錯, 接受事實順其自然係可以將壓力釋放, 都係隨心舒服D啦!
 |
| 3隻豬仔今日都好開心吖 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
