 |
| 相片連結 |
見到豆b食藥食到呆呆吽吽, 個心好不忍!
頸椎嘅藥都未食完, 又要食呢D消腫藥, 希望可以幫到D腫塊無咁大舊, 要佢食咁多藥我好唔開心; 雖然初步塗片檢查, 細胞係無異常, 但都係難放心, 就算lab report都係正面結果, 要我當無事係唔可能, 點可能明明有幾粒瘤喺身上當唔知道?
琴晚上網搵料, 又同Mi傾過, 佢喺順勢療法嘅網頁將以下呢段copied咗比我, 其實我都喺其他網頁見到有詮釋雷同, 話係身體響起警號!
"Tumours – the body is trying to push the toxins out of the body. It has found a weakness in a particular tissue and now you see the tumour with your naked eye. Cysts result."
A都覺得正常健康嘅身體點會有脂肪發炎, 都係有問題存在咗！
每日都更新知識, 以前唔識唔明嘅依家都有咗起碼概念, 知道邊D係可行, 邊D唔可行, 好似食咁多藥身體會積聚好多chemical毒素, 我一直都擔心, 但唔食又唔得!
知得越多挑戰好似越大, 就連醫生都話我做嘅唔同一般人, no comment!
我係咪真係做得太過火? 今早起身時望住豆b, 我好有挫敗感 :(
我只係諗住能力所及就比多D照顧關心, 咁都有錯?
可以比佢哋食得好D, 有身體唔妥盡量幫助, 咁都做多咗?
唔通獸醫話無嘢可做, 我就只係嘆句奈何?
明知可以有另類療法,其他幫助, 我點可以放棄喎!
雖然嘗試咗亦未必會成功, 有人會笑我做多餘咗, 但至少我盡力過!
 |
| 達達豬都舒服到瞓覺 |
心情低落都係搵D嘢做下消磨時間, 忙起上嚟就咩都忘記咗, 決定用個新浴筒幫波波達達浸微泡浴!
呢個浴筒真係好好用, 最開心係兩隻豬都好舒服!
以前浸浴只有波波最enjoyed, 會想覺; 今次達達都好放鬆, 明顯鍾意呢個浴筒, 原來一個適合嘅用具起到咁大作用!
今日同達達敷埋扶養泥, 同佢保養吓D皮毛, 希望佢會keep到, 唔會去到最差嗰個位度!
望住3隻豬仔, 即使曾經有過挫敗, 會問自己咁大壓力咁辛苦所為何事? 但今日見到達達成個八婆仔咁嘈嘈閉, 就笑咗出嚟 ;)
相比起以前, 達達只係一隻木無表情嘅毛公仔, 依家真係好生鬼; 佢同我地相處時係多咗互動, 就今日我同佢吹乾毛毛嗰時, 佢甚至主動舔我塊面, 呢種感動, 就係我願意為佢哋付出嘅答案!
我都係會繼續用自己嘅方式去照顧佢哋, 可能係做得多咗, 但好過無做過; 從來要拿捏係正確中間位置都係唔容易㗎啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
