 |
| 呢輯相影得豆b幾靚喎！ 相片連結 |
其實豆b都未確認胰臟有事, 而alb指數亦未去到屬有嚴重問題嘅低位, 我又明白驗血好多時會受外來因素影響, 有可能過一段時間會自動康復過嚟!
而且年紀漸長就越多問題, 無可能要求同之前嘅報告一樣咁靚仔, 但當個報告出嚟稍有異樣, 個腦就亂到失晒控制!
已經唔止一次自己嚇自己, 每次都要Dr. Hsiang提點, 唔使咁驚住 :(
其實Dr. Hsiang都無話豆b有好大問題, 調較飲食都只為保險計, 有可能調較飲食後會好轉, 下次再去驗血會無咗呢個問題, 當然如果指數繼續下跌, 咁就心翳; 醫生話喺未確定情況下先做個保守估計啦, 即係就算真係胰臟有問題, 都已經做好一切; 所以佢叫我暫時餵豆b高蛋白低脂餐, 食雞胸肉最實際!
但我就一路鑽、鑽、鑽牛角尖, 自己放唔低; 又驚肉類變化太少營養唔均衡, 又驚食白肉血色素唔夠, 總知就攪到自己好閉翳!
猛上網搵料, 咩肉係高蛋白低脂, 再喺fb求教各位!
多謝好多朋友建議, 有提議火雞胸肉, 鹿肉, 鴕鳥肉,乳鴿, 鵪鶉, 仲有我search到兔肉啦; 但其實兔肉我都過唔到自己, 好似日本流行比狗狗食馬肉罐頭, 我都係覺得好似食咗朋友仔!
A見到我又發癲啦, 勸告我唔好又做over咗喇, 凡事太要完美好有問題; 其實Dr. Hsiang都有話血紅素正常就好, 唔需要太高, 補得太多, 一陣又造成腎嘅負擔仲衰!
但我呢D心急人, 係死性不改啦, 一路諗緊已經開始行動, 買咗先算喇; 琴日買咗鴕鳥肉, 今日一路上緊網都一路落咗街囉:)
跑去超市望望有咩啱, 見到有紐西蘭鹿腩, 本來有網友叫買鹿柳最好, 但呢D咁特別嘅肉唔會通處有售, 我咁心急點等吖, 買咗先喇 ;)
不過, 我受教嘅,都係唔好比豆b食住啦, 等佢身體正常番, 再作打算!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
