仲有一個月左右就係3隻豬8歲生日喇, 今年決定唔訂蛋糕, 自己試吓做 :)
我從來都無做過餅, 今次就真係阿茂整餅, 試吓親自操刀!
自己做有個好處, 係材料可以掌控, 用咩料一清二楚, 咁較安全; 因為要監察住豆b健康, 食材要嚴選, 過咗生日就同佢番去診所報到, 希望今次驗血報告良好啦!
都試過跟幾個食譜, 試做咗幾次, 最後決定做個最簡易嘅; 由於狗狗唔可以加發粉, 我又懶用打蛋器分離蛋黃蛋白, 所以做出嘅效果就無咁好喇; 不過比3隻豬試食佢哋都OK, 係無咁鬆軟, 但都濕濕哋軟綿綿, 主要都係要好味道嗟!
呢個食譜啱晒我呢D初哥啦:)
http://blog.xuite.net/mingpoon123/hkblog/103755529
諗好食材就諗裝飾喇, 要用中秋主題做生日cupcake, wahaha, 我有idea喇!
 |
| 呢間餅店嘅cupcake做得好靚！ |
好幸運睇到某餅店做蛋糕裝飾用另類材料, 佢捨棄番糖改用黏土; 佢話反正番糖狗狗都唔食得, D裝飾又保留唔耐, 就有呢個idea!
我會用個透明蓋, 將蛋糕隔開, 然後將裝飾放蓋上, 之後會保留起D裝飾, 再加工做另類制成品啦 :)
黏土手工我有興趣玩, 開工喇!!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
