今朝早餵完3隻豬, 再無睡意, 坐喺窗前望向天上浮雲, 游來游去, 感覺心境平靜 :)
其實要有心情睇住D浮雲都唔係易事, 要心中無好多牽掛雜念, 咁望住D白雲變化不定先有意思，個腦隨會住白雲嘅形態產生出新嘅創意!
都係因為豆b腫塊有好轉, 我個心較定 :)
從發覺豆b背部有腫塊, 到今日有十日喇, 呢段期間每日都小心觀察, 留心住腫塊有無變化!
遵從住Dr. H嘅advice, 唔好得閒無事就按壓搓揉, 佢對我性格都好瞭解, 我總係學唔識"放手"呢個境界!
不過Dr. H有警告我, 咁做會越搓越大, 太刺激D腫塊唔係好事, 只建議我用冰敷, 再配合食消腫藥, 希望D腫塊會細番; 今次我認真遵從吩咐, 只敢每日輕輕摸吓有無變大!
其實又要食藥我有D不安, 我總覺得豆b近來係食太多藥破壞咗佢免疫系統, 但呢隻消腫藥唔同抗生素, Dr. H解釋呢隻係一種酵素, 用來分解、減少發炎嘅結締組織, 應該無好大副作用, 咁都好啦; 摸住佢身上一粒二粒個心真係好唔舒服, 食就食啦希望可以幫到, 遲D佢情況穩定再幫佢做排毒啦!
近來佢咁多事都唔敢同佢沖涼, 今日真係忍唔到, 最多浸浴嘅時間縮短啦!
豆b皮脂分泌真係有D失衡, 今次耐咗D沖涼, 只係3個星期, 發覺佢皮膚有幾處表面都有D黑色素, 可能係油脂分泌卦; 我輕輕搓揉係可以洗去, 咁我個心又定D, 嗰D腫塊係脂肪嘅可能性更大, 可能近來免疫力低咗, 平衡系統混亂唔知點咁聚埋咗一齊, 就形成咗好似腫瘤咁谷起晒!
我觀察到豆b嘅腫塊係有變細咗, 真係好開心, 希望慢慢會散得番啦, 會變細嘅腫塊惡性嘅機會應該唔大卦!
跟住再同達達豬浸浴, 呢隻豬我希望keep到一星期浸一次啦, 唔知係咪帶氧微泡浴嘅幫助, 佢嘅毛毛雖然係變薄咗好多, 但毛質同皮膚仍維持住好好, 希望會有一個特破!
只要3隻豬平安無事, 我生活就可以平靜咁過, 呢3隻豬真係牽動住我每個神經細胞, 奈何.....
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
