今日帶波波返太平道診所覆診, 醫生檢查過話波波好咗好多, 主要摸佢嘅淋巴無上次咁腫, 認為佢身體係某地方有發炎, 可能係輕微中耳炎, 可能係牙仔發炎, 導致佢耳水不平衡, 所以上次食咗抗生素有幫助!
醫生話中耳係睇唔到, 即使外耳道無異狀, 都可能中耳有病灶, 如果唔照片都係靠估, 既然食藥後有改善就當行啱咗路; 咁再食一個療程, 3星期後再去覆診, 睇睇係咪全好!
當然我唔會麻醉做MRI, 甚至簡單用鎮靜劑照片都係唔好, 波波行得食得瞓得玩得, 只係企得仲有少少側身, 坐姿已有改善, 都坐得好好, 瞓覺同VV都肯轉側, 無單用一面喇, 咁無理由只係搵個病因, 搵自己麻煩啦!
 |
| 都坐得好直啦! |
不過又要再食藥真係麻麻, 但又唔敢唔食, 萬一真係有炎症未清都麻煩,; 再三問醫生藥物勁唔勁, 波波個肝好敏感!
醫生就話係好溫和嘅藥, 唔怕!
都無辦法, 都要食啦, 只好之後再做排毒 :(
有時真係兩難, 好難做一個正確選擇 :(
工人姐姐後日就到, 我呢幾日份外忙碌, 事關所有雜物放晒入佢房嘛, 依家要清理好; 今日同波波睇完醫生, 就去咗買枕頭被鋪, 聽日又要去拜山, 真係無咩多餘時間!
無工人姐姐幫手快3個月喇, 真係好忙, 好似橡筋扯到衡晒, 朋友建議我做吓手工, 將繃緊嘅情緒分散; 於是重拾羊毛氈手作, 慢慢做吓, 唔似之前做到通宵達旦喇:)
今次學做半立體相架, 本來我係想做叻叻㗎, 但點做都做唔到叻叻嘅神髓, 阿女話算啦; 因為我照住相去做, 而相片本身就已經捉唔到叻叻嘅可愛趣怪, 即使上次做浮雕, 都唔似啦!
除咗叻叻, 心中地位最高當然係到波波豬, 羊毛氈波波就開始用心去做, 今次嘅手功做咗頗長嘅時間, 做吓停吓, 純為放鬆 ;) 因為有生動嘅波波望住, 比較上好D, 就做咗隻靚仔波波豬, 今次自己都頗滿意, 阿女、老公同好多朋友都話似 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
