今日又幫達達浸milky spa, 再加上每月敷一次嘅扶養泥, 達達毛毛復甦期剛開始, 自然要肉緊D, 敷咗泥仲按摩住, 等D養份吸收好D!
唔知幾時開始, 唔覺達達有再打乞嚏, 突然諗起葉醫生話佢上面隻牙仔甩咗就會無事, 呢個結構問題等佢自愈好D, 如果要麻醉剝牙就好大件事!
於是嘗試掀起隻惡女個嘴望望, 嘩! 惡到佢死 :p
達達隻牙仔真係唔知幾時甩咗去, 我又無喺地上拾到牙仔(可能工人姐姐吸塵吸咗去啦), 亦唔覺佢食嘢有難處, 就咁無聲無色就解決咗件事 :)
當然甩牙唔係好事, 但相比起原來困擾住嘅問題, 我當然十萬個願意!
相反波波甩咗一半嘅牙仔就好礙事, 我已經日日同佢清潔牙齒, 借D意搖來搖去, 但隻牙仔就係點都唔肯跌落嚟, 激死!
我都唔識點形容波波, 話佢無事又唔似, 話佢有事又好似有D多餘, 但點解成日會側住?
佢都仲可以跑同跳, 一切狀況睇落都 OK, 但點解姿勢咁怪異?
除咗觀察住, 唯有做多D物理治療, 除咗咁我都唔知幫忙從邊處開始 :(
暫時豆b算穩定平安, 但其實佢頸椎出過事, 我覺得佢行得都唔係咁穩當, 同達達一樣都係有D搖; 不過呢個情況都無得點幫, 都係做吓物理治療等自己心安D!
3隻豬個樣都仲好似BB, 但身體基能就唔成正比, 8歲幾都唔算好老大, 但就咁多事!
係我照顧得唔好? 我自問有盡力而為, 但不斷遇到新問題真係好氣餒!
又抑或根本唔關我事, 呢D係一般迷你狗狗嘅genes?
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
