 |
| 坐落地下先敢比佢同豆b嚟張合照 |
新姐姐正式工作第一日, 算係中規中舉, 可能我已經將要求降低, 佢要關埋門午睡我都由得佢囉, 抱住幫輕吓嘅心態, 一切唔會再倚賴, 好多嘢自己做番!
不過從頭train一個新人真係好攰, 攰過自己做100倍!
完全改變心態, 無再執著規矩, 以前覺得難接受嘅行為, 只要唔過份我無理佢, 例如拎住手機撥, 只要唔係做緊嘢時候, 我都唔話佢; 相對以前嘅姐姐, 佢自由度更大, 經過幾個月做到我骨都散, 我真係錫住佢!
人嘅命真係生得唔同, 呢個時候嚟嘅姐姐, 係好命過以往嘅姐姐好多喇!
雖然自己比以往做多咗, 但個人就比較平和, 無成日忍住忍住咁谷氣; 雖然話呢個姐姐休息時間比之前嘅多, 但睇佢做嘢嘅姿態, 似係真正做嘢囉!
之前嘅姐姐一日摸呀摸, 做完都好似無做過, 又或者走精面只做最前面見到嗰D囉, 呢個姐姐就認真好多, 希望唔係第一日我睇住佢先咁搏喎 :)
希望大家都珍惜相遇嘅緣份, 佢會盡本份, 而我就盡量學習隨和!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
