 |
| 相片連結 |
真係比近日嘅天氣玩死, 早幾日熱到唔可以無咗冷氣, 不過3隻豬就麻麻哋, 個廳一開冷氣, 對twins就匿咗入房瞓床仔, 達達又噴晒鼻水猛打乞嚏; 唔通真係年紀大咗受唔住, 其實每次帶佢哋睇醫生, 一聽到醫生強調佢哋嘅年紀, 暗示咁嘅年紀就會多事, 我就渾身唔快意!
3隻豬喺我心目中仍係BB, 完全唔覺過咗好耐日子, 我明白佢哋係年紀漸大, 但望住佢哋個樣真係唔似嘛, 不過身體基能係無得呃自己, 點到你願意唔願意 :(
要開冷氣唯有著番件薄衫, 瞓覺無忘記蓋番張冷氣被, 都真係唔到你唔服氣, 著咗衫波波豆b即刻走番出嚟, 會得走來走去!
琴日仲熱到冒煙, 去拜山行到好似冒出蒸氣, 今日突然又氣溫下降仲落雨, 一個唔小心就凍到打乞嚏, 今晚去接新工人姐姐時, 無帶遮又落雨, 凍到我死 :(
第一眼見新姐姐感覺良好, 但唔敢開心住, 事關遇過姐姐太好戲, 反轉豬肚就臭死; 無咩大期望, 只希望大家可以好好相處, 佢肯踏實做事!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
