 |
| 相片連結 |
琴日同老公帶埋新工人姐姐一齊, 帶3隻豬仔去寵物公園玩, 本來早上有毛毛雨以為唔去得喇, 但食完午餐見雨停咗, 就決定起行, 希望天氣唔係咁好, 幸運嘅可以好似上次咁, 公園無其他狗狗嘛!
但今次無運行, 仲第一次遇見大狗, 有兩隻巨型雪撬犬呀, 當佢哋見波波喺車仔入面狂吠, 齊齊向住我跑過嚟, 我嚇到腳都軟埋, 好彩有老公擋喺我前面咋!
我明白呢個係寵物公園, 任何狗狗都可以自由行, 但體型大細太懸殊, 我唔敢放豬仔落地喇, 又唔知嗰兩隻狗狗有無攻擊性, 點敢博吖, 真係一啖就可以咬死我D豬啦!
唯有推住車仔遠離佢哋, 不過波波都係緊張到眼都凸晒, 最慘係呢兩隻大狗仲時不時都走過嚟聞吓, 嚇得我快快將車蓬落番, 冚到實一實啦!
可能對方主人見我咁耐都唔放狗狗落地下, 從遠處大聲嗌, 話狗狗唔會咬!
邊有人可以100%保証無意外㗎, 如果狗狗突然發難, 我就死得啦, 咬到我嘅豬仔真係無得救喇, 咁等如殺咗我啦, 我要100%保護我3隻豬仔㗎!
我話唔得呀, 佢哋好細隻咋, 我自己都驚啊!
呢兩隻大狗主人算係好人喇, 見兩隻狗成日跑過嚟, 波波又猛吠, 我同新姐姐都騰晒, 無耐就帶走狗狗喇!
把握時間, 即刻放3隻豬落地跑!
都玩咗一段時間, 又見有狗狗喇, 今次係細狗我無咁驚, 心諗就算咬都救到嘛, 起碼唔會致命啦; 當然都要抱起波波, 呢隻豬係控制唔到D緊張情緒喇!
因為呢個係訴訟期間, 唔方便開名係邊間寵物醫院喇!
狗狗只得10個月大, 因為人為因素導致一隻手傷殘, 都唔知醫唔醫得番, 真係慘!
都係咁講啦, 希望獸醫比多D愛心, 用心幫狗狗啦, 我哋將心肝寶貝條命交到你哋手上, 就靠晒你哋喇; 如果盡晒能力都醫唔番, 無人會怪責, 獸醫係人唔係神, 大家都明白, 無可能起死回生; 但因為疏忽輕率而導致狗狗傷亡, 就真係接受唔到喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
