 |
| 相片連結 |
星期日工人姐姐放假, 無姐姐喺度我仲得閒, 唔使教煮餸, 夜晚出去食飯; 真係世事無絶對, 無姐姐幫手我仲多咗時間!
希望姐姐快D掌握到煮餸方法, 快D上手我就安樂晒!
反正有時間, 拎羊毛出嚟做羊毛氈達達, 我個性咁心急要我hold住唔做其實幾難, 未完成晒3隻豬總係心掛掛!
唔知係咪越想快就越難, 今次做達達最煩, 一早做好晒耳仔鼻仔, 但配埋一齊總係唔對辦, 幾近想放棄喇, 唯有暫且放下, 休息吓再玩; 真係欲速不達, 做呢D手工心態真係要悠閒!
過咗一段時間, 再做就勉強可以掌握番, 終於做好羊毛氈達達, 3隻豬完成晒 :)
3隻豬好耐無出去行喇, 天氣唔好真係煩, 唯有喺屋企自己玩, 不過對twins好煩, 玩玩吓又打交, 今次到豆b整親眼; 好彩今次早有準備, 有順勢療劑, 可以比豆b第一時間用順勢療法!
我感覺我3隻豬用順勢療法一定要快, 喺情況未嚴重先最有效, 過咗黃金時間就比較難, 可能藥性太溫和卦!
達達毛毛持續有好轉喇, 毛量開始多番, 但當然未到頂峰時間, 希望無意外, 條路順利咁行!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
