 |
| 相片連結 |
今年時間過得好似特別快, 一轉眼就到復活節喇, 可能今年農曆年喺2月, 好似過完年無耐, 一瞬間又到復活節啦; 當然少不了影我嘅主題相, 但今次用咗好短時間, 明知佢哋唔鍾意, 係都要強佢哋所難, 係我唔啱, 所以都識做D, 快快手影少少算喇; 以前過一個節日換幾個佈景, 此情不再啦, 3隻豬年紀大咗, 無耐性喇!
僱傭公司通知新工人姐姐仲有幾日到喇, 打亂咗我嘅計劃, 原本準備下星期日去拜山, 依家要提早喇, 未知新工人係何方人馬, 唔敢放低3隻豬啦, 咁比無人喺屋企更令我牽掛!
你可以話我過份緊張, 有人睇頭睇尾點都安全D啦, 問題係呢個人要得到我信任先得嘛, 我對新姐姐一無所知, 唔放心啊!
當然我希望新姐姐係好人, 有好心腸無歪心, 會好好對待呢3隻小豬啦:)
反而做嘢方面我唔太擔心, 只要係有心做, 慢慢去學呢方面我好放心; 怕嘅只係遇到害群之馬, 無心做純搵著數, 咁就慘!
呢D情況係煩, 但我唔怕, 大不了自己做番, 無工人幫手呢幾個月都係咁過咗啦, 當然係忙, 但比起有關健康嘅問題, 嗰種先係難捱嘛!
當然希望新姐姐係好幫手, 更希望大家身體健康, 一切順利啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
