琴晚接咗新工人姐姐, 同上一個一樣, 又係喺一個落雨嘅日子, 令一向唔迷信嘅我有D擔心, 希望呢個純為巧合!
廿幾年來共用過7個工人, 當中都遇過可以續約嘅好人, 其餘嘅就本住忍得就忍; 但經我手炒魷有兩個, 令我好傷神!
但我記憶猶新, 兩個都係落雨天踏入我家門口 :(
我從來唔會妥恊於命運, 但經歷過某D姐姐嘅劣行, 難免擔心; 依家盡量學習配合, 希望保持住正面嘅心態,今次遇到個正常人!
琴晚6點接姐姐入門口, 叫佢先沖涼換衫, 然後我哋叫外賣, 食完晚飯叫佢早D瞓, 講真大家都攰喇!
今朝一早起身開始示範, 希望講清講楚佢唔會撞板, 第一日通常都唔會有大麻煩, 大家都會多D包容對方嘛!都唔敢有太大期望, 但求幫輕吓就好, 仲有希望3隻豬仔有多D街街行, 於願足矣!
 |
| 正在清潔豬仔嘅床 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
