 |
| 相片連結 |
香港天文台預告跟住呢幾日會好凍, 坊間仲傳聞會落雪添, 香港係亞熱帶地區, 攪到會落雪咁驚, 唔係卦!
我一向都最怕冬天, 天寒地凍一早要摸落床真係痛苦, 雖然依家唔使捱住凍返工已經好幸福, 但都要一早起身服侍3隻寶嘛; 無辦法啦, 唔敢倚賴工人, 3隻豬日常事務要親力親為, 有朋友話我攞嚟辛苦 ;)
講返我都祇係怕凍, 但天氣轉冷對3隻豬身體考驗好大, 3隻豬身體都有不同嘅弱點, 都係怕咗個冬天啦!
我最驚豆b因為天氣寒冷影響血管收縮, 陣間又暈吓暈吓行到似個醉酒佬; 又驚波波無循序漸進未經熱身就暴衝, 引起肌肉關節疼痛, 達豬嘛就怕佢手脚又抽搐; 總之天氣凍就最多問題出現, 仲有氣管, 神經問題, 又容易感冒!
我已經好小心監察住屋企嘅溫度同濕度, 不過有時任你幾小心仍係會出事, 真係無得擔保; 一踏入冬天我已經好勤力咁物理治療密密做, 見豆b條氣唔順就即餵順勢療劑去力保; 琴晚半夜都聽到豆b扯氣, 即餵氣管下塌藥, 好彩效果良好!
達達又踏入毛髮休眠狀態, 毛質已經羊毛化, 還好呢兩年有順勢療劑幫助下, 佢毛髮嘅情況雖然係差, 但不致於變咗光豬啦; 不過毛髮薄咗, 就難保體溫, 所以保險D著件衫啦!
豆b一向都最怕凍喇, 可能體質麻麻, 食住順勢療劑, 保得到佢唔病發我已經好心足, 但個底子差就係差, 係好難改變喇, 一到冬天佢死都唔肯離開個電暖墊㗎!
波波就著力保養佢關節肌肉, 要保住唔好肌肉僵硬令到骨刺又作怪!
 | |
| 比個暖墊波波枕住, 雙管齊下 :) |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
