達達豬鼻仔好得差不多喇, 感恩順勢療劑又一次救咗我!
已經喺3隻豬身上見証過好多次順勢療法嘅功效, 但如果要問我, 到底呢個係甚麼, 我又唔識去講喎!
我自己就祗記住一個重點, 就係食啱療劑就一定有幫助, 就算食錯咗, 都唔會對身體有負面影響, 只係無用囉; 所以我先敢開始試順勢療法!
其實要知道咩係順勢療法, 隨便上網搜尋, 資料有無限, 但要充份瞭解, 就真係唔容易喇; 我自己就邊用邊學, 仲有諮詢專家, 再憑經驗咁試吓.
搵咗下面條link, 有講述狗狗服用順勢療法, 大家可以參考!
http://www.dogsnaturallymagazine.com/12-homeopathic-remedies/
上星期日係堂姐娶新抱, 姨甥結婚一定要出席飲宴啦, 但從開始知道要獨自留低3小孩, 已經擔心喇; 碰啱達達又出家居意外, 我仲更驚啦; 自問已經極度小心, 咁都要有意外, 如果當日我唔喺達豬身邊, 個情況會係點我唔敢諗喇 :(
但擔心歸擔心, 唔出席於理不合嘛, 唯有希望快快飲宴完畢啦!
好多時都會出現事與願違, 姨甥嘅婚宴較多花絮, 眼見呢餐喜宴唔會咁快完結, 就難禁心急啦; 最慘從webcam睇見3隻豬仔, 從我哋出門就一直唔肯坐低, 係咁望住大門企到定定, 已經有3個小時喇!
已經10點, 先起第二度菜, 望見3隻豬係咁罰企, 我好心痛啊!
老公見我開始坐立不安, 問我佢可以早退嗎?
我即刻話好呀好呀, 咁混亂早走唔多覺啦, 我自己留低就唔使咁多牽卦嘛!
我都知我係過份, 比3隻豬仔主宰一切, 但呢種感受又不由我控制 :(
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
