 |
| 相片連結 |
達達撞親鼻仔, 令我感歎意外真係意料之外, 任我平日幾小心謹慎, 仍有百密一疏; 我一向著重唔好跌嘢落哋, 怕佢哋會吞咗, 又好小心擺放物件, 防止下墮, 但仍然係唔可以每件事都做妥!
養呢3隻小豬, 就好似養個人仔BB, 都一樣要關顧到佢哋會有碰撞, 真係疏忽咗!
意外後已即買嬰兒防撞膠條, 一收到就即刻動手, 將佢哋有可能撞到嘅檯、凳脚包妥!
養呢3隻豬仔, 已經成日比人笑我, 香港地寸金尺土, 放個大圍欄喺廳咁阻地方, 佢地好巴閉喎; 又有話全地滿鋪地墊咁肉酸, 依家仲包埋檯腳, 哈哈, 室內計可以同我絕緣囉!
 |
| 對孖B玩到癲時, 都有機會撞呢度 |
真正愛狗狗嘅家庭一定明白我, 從你選擇要養毛孩開始, 你就要保証佢哋生活好好咁過, 有乜嘢重要得過令佢哋安全, 開心、健康更重要啊!
 |
| 達達就係撞埋呢處 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
