2014年1月係達達做第8次針灸, 之後就停曬!
2年後再舊事從提, 好似有D怪, 但琴日見到FB有個發文, 促使我不吐不快, 詳細講述要分上下篇 :)
達達2年多前因診斷為反射神經遲緩, Dr Tint認為針灸對佢會有改善, 我完全唔熟悉針灸會係點, 就四圍攞料, 經過各方面考慮, 終於決定去呢個地點!
我一向係路痴, 要識去到目的地都係一個關鍵, 因為針灸唔係一次半次嘅事, 無可能每次靠家人朋友帶路,令人家麻煩加添; 而且呢個係新嘗試, 我要考慮更多意見!
A話我知有朋友狗狗曾於呢度作過診斷, 效果卓越; 但最最令我作出呢個選擇嘅決定, 係睇咗網上一個部落, 文中詳細講述狗狗針灸經過, 圖文並茂, 所以我好放心帶達達同醫生見面!
達達過往針灸情形, 每一次我都有詳述, 公道咁去講醫生手勢係唔錯, 亦見到過效果; 因為達達係隻敏感豬, 一唔開心會尖叫, 唔係每個醫生都可以處理到佢情緒, 做到配合, 肯聽我意見; 是以即使當時有某D地方我覺得不盡完善, 都願意接受, 最主要係達達可以做到針灸先!
風雨不改每星期定時去針灸, 8次後某D情況係有改善, 但某D仍舊依然, 夲意都計劃做到過年就稍為停頓, 試試另類療法!
係乜事促使我突然中止達達嘅針灸? 其實第8次係有個意外發生, 當日針灸完帶達達返到屋企放落地下, 佢企唔穩; 我扶起佢仲大聲尖叫, 繼而隨即跌低我真係比佢嚇親!
記得當時我真係好驚, 第一個感覺係佢神經缐出事喇, 企都企唔到會變癱嗎?
快快抱佢入懷, 小心將手腳按摩吓, 竟然發覺腳仔仍吉住兩枝針, oh no :(
我即時幫佢拔出, 但達達都係企唔返!
 |
| 其中一枝針已壓彎,完全刺入, 達達一定好痛喇 :'( |
即刻急電診所問咁情況點算呀?
等咗幾個鐘後姑娘覆電, 轉述醫生意見, 話主要經絡刺激太耐, 有麻痺係理所當然, 如果休息一天仍無改善, 就帶達豬返去做個體檢!
還好達達休息咗一晚後可以行返, 但腳震嘅情況就變差, 感覺無奈之下, 決定開始順勢療法!
醫生翌日有來電道歉, 反正無做成達達不可易轉嘅傷害, 呢個疏忽我就算喇!
雖然係好心痛, 亦有唔開心, 但我無公開指責, 唔想網上單方面唱通街!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
