 |
| 相片連結 |
又凍又落雨, 真係邊度都唔使去, 而且教新姐姐真係好攰, 要時刻留意住, 做錯要即時糾正佢, 萬一比佢成為習慣, 要改正就好難, 又怕佢會話我默許, 總之係費力啦!
今日係姐姐嘅第二日, 已經忘記起身嘅時間, 我要拍門叫佢起身啦, 琴日教嘅嘢好多都忘記晒, 不過我都習慣; 每次教新姐姐真係有血有汗, 不過只要佢肯學肯做, 態度良好, 我可以心平氣和慢慢教!
我自己確係有改進架, 無勞氣無反應過猛, 做唔到嘅我自己做番, 將要求降低就好辦, 今時今日請工人一定要調整心態!
所有問題都可以慢慢破解, 唯獨有關3隻豬嘅一切就無得辯解, 無任何籍口無擋箭牌; 我好鄭重講明我嘅要求,要佢加倍留心架!
姐姐算手脚快, (不過叫佢熨衫超慢, 3件衫熨咗兩個幾鐘都攪唔掂, 我幾個菲姐都唔識熨衫)變相行動較快我瞭解, 我自己都係心急嘅人嘛; 但見佢行得咁快, 又唔習慣留意D豬仔喺佢脚邊行, 好幾次都嚇到我大聲嗌, 真係好驚D豬比佢當波咁踢呀!
乜都係假, 做野可以慢慢教,目前當務之急係教佢點樣行, 好彩唔使用學行車咋, 哈哈哈...!3隻豬對新工人姐姐好敏感, 有個陌生人行來行去, 仲行到咁急, 佢哋精神緊張就吠啦, 要大家適應都需要一定時間!
 |
| 清潔都做得頗用心, 不過一般都好難keep住落去 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
