經過咗幾日嘅休息, 個人較安定, 不過可能情緒影響, 感覺頸背扯住痛啊; 我真係好少有呢D狀況, 原來都幾折磨!
豆b病情已經知道個大概, 我亦調整好心態接受咗, 就積極面對囉!
目前最希望唔會塞膽管啦, 希望藥物幫到忙, 已經第一時間聯絡順勢療師尋求辦法, 佢都比咗有用嘅意見我!
順勢療劑中有一款藥對豆b嘅情況有幫助, 可以排出膽中嘅沉澱物, 咁啱之前Ka嘅狗狗有過類似嘅病狀, 佢狗狗食咗呢隻藥後, 再照超聲波已經clear咗, 咁令我於絕望中見返一線曙光.
當然豆b情況係嚴重好多, 但有成功嘅例子總算鼓舞到我!
多謝Ka第一時間拎呢隻藥比我, 因為要從澳洲訂藥最快都要幾日, 為咗豆b有最快嘅治療, Ka無條件比藥我.
當有需要時, 有人借藥真係好大幫助, 之前我都有比藥幫其他狗狗, 算係我修嘅福幫到豆b囉, 要記住互相幫忙 :)
豆b用順勢療法, 做bioscan都影響咗好多身邊嘅朋友, Am同Ka都話要同狗狗做呢個scan, 可以對症下藥嘛!
最開心嘅係終於搵到一個醫生, 唔會bend順勢療法, 仲會話有需要時會推介比其他狗主試吓, 多一個選擇; 抱有咁開放態度嘅醫生真係少見啦, 不枉我山長水遠入到元朗求診呀!
即使知道用chemical drug對豆b肝腎有更大負擔, 但目前我已經無得揀, 權衡輕重兩者取其優, 都要去馬!
順勢療師都明白, 會配合豆b情況用藥, 希望兩方面配合可以幫到更多! 我已經再無辦法, 已經盡我所能, 如果事與願違, 希望豆b會明白媽媽, 我已經為佢揀咗一條最少痛苦嘅路行!
一諗到呢步, 又紅晒眼....
 |
| 有病, 真係一個大折磨, 可憐嘅豬豆! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
