突然發覺近來所有篇幅都係講豆b, 果然係no news is good news!
今日豆b比較精神, 唔知是否加服利膽嘅順勢療劑有關, 今日竟然會走去廚房門口催我開餐; 雖然放低個糧兜都係唔食, 但餵佢都吞得好快, 只要肯吞, 我餵佢又怕咩麻煩!
今日見佢精神尚可, 就同3隻豬浸spa, 要密集餵藥唔浸得太耐喇, 身體有病做spa都怕有影響, 做10分鐘算喇!
還好3隻豬表現都OK啦, 當然每次浸完浴佢哋都攰到要瞓覺, 或者可解釋作佢哋精神鬆弛咗, 所以瞓得更好啦!
見到豆b今日會笑吓, 又精神唔差, 我就比較心情好啦, 反正3隻豬仔瞓咗覺, 我就為佢哋做蛋糕啦; 終於都要用電動打蛋器去打蛋白, 用手打真係攰到快抽筋啊!
我每次做蛋糕都係少量, 要保持新鮮嘛, 又唔敢用多蛋, 怕蛋白質過高啦, 所以用電動打蛋器其實都有困難, 一隻蛋白咁小量, 我唔識調較, 反而今次要阿女教, 先成功打企D蛋白!
可能今次嘅程序做得啱, D cupcake比較鬆化, 3隻豬都爭住食啊, 當然最開心係豆b都賞面啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
