達達開始用為佢訂購嘅supplement喇, 內服嘅bladder support在途中仲未到, 但acidic type vit C已經食咗幾日, 都係幫助佢平衡番尿液嘅酸鹼度, 為避免膀胱、 尿道炎, 有多一重保護啦; 我會定時用試紙檢測, 有好嘅改善就停服, 呢類補充品唔建議長期服用, 針對需要就好喇!
再從美國訂購咗magnesium比3隻豬仔, 澳洲順勢療師話適量添加對佢哋健康幫助好大, 我之前亦買咗一小樽, 係澳洲順勢療法分裝當樣板, 比我哋試用, 不過用呢隻supplement都嚇咗一驚啊!
真係好多謝好朋友Ka, 佢好關心豆b, 有時間就幫我搵料, 然後見到有post話magnesium唔適合餵腎狗, 怕囤積體內不能分解呀!
呢個問題我真係要攪清楚, 最怕都係嗰句, 愛佢變成害佢啦, 自己即刻再上網搜查!
原來magnesium係可以幫到腎狗㗎, 但一定要用liquid, picometer-ionic form (ReMag) to treat kidney disease!
MAGNESIUM IS NECESSARY AND SAFE FOR KIDNEY DISEASE
http://www.newswithviews.com/Dean/carolyn109.htm
養呢3隻豬仔想慳D都難, 身體多多事煩 :(
iherb都有好多liquid form magnesium chloride, 折合港幣1樽幾拾蚊, 佢哋用呢隻嘛, 從DHL運送到家, 買2樽要近US$100, 比較起真係好貴啊!
Ka又叫我唔好比薑黃豆b用, 比咗link我研究, 係不利於膽有沉澱物, 我再搵過幾篇資料, 意見一致, 只好放棄喇!
每用一隻suppletment真係要好小心, 除咗要睇成份, 益處, 更重要係留心對自身嘅健康狀況是否適合!
本來薑黃對肝臟修復幫助好大, 可惜豆b病況太複雜, 總係一環尅一環, 好麻煩 :(
http://www.livestrong.com/article/490325-gallstones-avoiding-turmeric/
當然有risk嘅就梗係唔用啦, 多謝Ka提醒, 近來因為狗狗有病, 我哋多咗密通資料, 令我想起5年前我哋初相識, 當日一樣為狗狗互比資料, 但就用email, 無依家用whatsapp一問即答咁方便喇!
時間真係過得快, 彈指之間就過咗5年喇!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
